პუშკინის სკვერის რეაბილიტაცია დასრულდა

© photo: Sputnik / Stringer ალექსანდრე პუშკინის ბიუსტი
 ალექსანდრე პუშკინის ბიუსტი - Sputnik საქართველო, 1920, 14.12.2022
გამოწერა
НовостиTelegram
სკვერის სარეაბილიტაციო სამუშაოები მიმდინარე წლის ივნისში დაიწყო.
თბილისი, 14 დეკემბერი — Sputnik. თბილისის მერიამ პუშკინის სკვერის აღდგენითი სამუშაოები დაასრულა, განაცხადა დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე.
სამუშაოების ფარგლებში განახლდა საფეხმავლო ბილიკები, დაიდგა ახალი საპარკე ინვენტარი, რეაბილიტაცია ჩაუტარდა გარე განათებას და დამონტაჟდა ვიდეომეთვალყურეობის სისტემა.

„სკვერის ინფრასტრუქტურა, ფაქტობრივად, განადგურებული იყო. გარდა იმისა, რომ აღნიშნული სივრცე მთლიანად მოწესრიგდა, დამატებით მოეწყო გამწვანებული სივრცეები“, – განაცხადა კალაძემ.

მისი თქმით, დაირგო 758 ძირი სხვადასხვა სახეობის მწვანე ნარგავი, მოეწყო სარწყავი სისტემა და 890 კვადრატულ მეტრ ფართობზე დაიგო ბალახის საფარი.

პუშკინის სკვერის რეაბილიტაციისთვის დედაქალაქის ბიუჯეტიდან 800 ათასი ლარი იყო გამოყოფილი.
ეწვიეთ „Sputnik საქართველოს“ Telegram-არხს
ყველა ახალი ამბავი
0