კონკურენციის სააგენტომ ბანკებში მონიტორინგი დაიწყო

© photo: Sputnik / Stringerთიბისი ბანკი
თიბისი ბანკი - Sputnik საქართველო, 1920, 12.12.2022
გამოწერა
НовостиTelegram
ბაზრის მონიტორინგის პროცესი ეროვნულ ბანკთან და დაზღვევის ზედამხედველობის სამსახურთან ერთად აქტიური კოორდინაციის ფორმატში განხორციელდება.
თბილისი, 12 დეკემბერი — Sputnik. საქართველოს კონკურენციის ეროვნულმა სააგენტომ საბანკო დაწესებულებების მიერ საკრედიტო ურთიერთობების დროს სადაზღვევო პროდუქტების შეთავაზების/რეალიზების ბაზრის მონიტორინგი დაიწყო.
მონიტორინგი „დაზღვევის კავშირის” მიმართვის და საქართველოს ეროვნული ბანკის 2022 წლის ფინანსური სტაბილურობის ანგარიშში წარმოდგენილი ინფორმაციის საფუძველზე დაიწყო.

„დოკუმენტში აღნიშნულია, რომ საფინანსო ორგანიზაციების (ბანკების) მიერ სადაზღვევო ბაზარზე კონკურენციის შესაძლო შეზღუდვა კვლავ გამოწვევად რჩება“, – ნათქვამია განცხადებაში.

ამ დროისათვის საქართველოს ბაზარზე 15 ლიცენზირებული კომერციული ბანკი და 18 ლიცენზირებული სადაზღვევო კომპანია ოპერირებს.
2022 წელს კონკურენციის ეროვნულმა სააგენტომ ფარმაცევტული ბაზრის და საავტომობილო საწვავის (ბენზინი, დიზელი) მონიტორინგი დაასრულა, რომლის ფარგლებშიც ფარმაცევტული ბაზრისთვის 13 რეკომენდაცია გაიცა. მოკვლევის პროცესია დაწყებული საავტომობილო ბაზარზე ვითარების შესასწავლად.
ამ ეტაპზე ასევე მიმდინარეობს შუშის ნარჩენების და საავტომობილო გაზის საწვავის (CNG/LPG) ბაზრების მონიტორინგი.
ყველა ახალი ამბავი
0