რუსეთმა გაეროში წერილი გაავრცელა უკრაინისთვის იარაღის მიწოდების დაუშვებლობაზე

© AP Photo / John Minchillo გაეროს უშიშროების საბჭოს სხდომა
 გაეროს უშიშროების საბჭოს სხდომა - Sputnik საქართველო, 1920, 09.12.2022
გამოწერა
НовостиTelegram
თბილისი, 9 დეკემბერი – Sputnik. გაეროში რუსეთის მუდმივმა წარმომადგენლობამ უშიშროების საბჭოსა და გენასამბლეაში დონეცკის არასამთავრობო ორგანიზაცია „სამართლიანი დაცვის“ წერილი გაავრცელა, რომელიც კიევის მიერ „დონბასის მშვიდობიანი მოსახლეობის დაცხრილვის მტკიცებულებებს“ შეიცავს, იუწყება საინფორმაციო სააგენტო „რია ნოვოსტი“.
გავრცელებული ცნობით, წერილი, რომელშიც უკრაინისთვის მძიმე შეიარაღების გადაცემის დაუშვებლობაზეა საუბარი, უშიშროების საბჭოს დღევანდელი სხდომის წინ გავრცელდა. სხდომა უკრაინის შეიარაღებული ძალებისთვის დასავლური იარაღის მიწოდებას ეძღვნება.

„ჩვენ მიერ მოთხოვნილი უშიშროების საბჭოს სხდომის მომზადების ფარგლებში, რომელიც უკრაინისთვის დასავლური იარაღის მიწოდებას ეძღვნება <...> ჩვენ უშიშროების საბჭოსა და გაეროს გენერალური ასამბლეის ოფიციალური დოკუმენტის სახით გავავრცელეთ დონეცკის საზოგადოებრივი ორგანიზაცია „სამართლიანი დაცვის“ წერილი, რომელიც უკრაინის შეიარაღებული ძალების მიერ დონბასის მშვიდობიანი მოსახლეობის დაბომბვას ეხება. განსაკუთრებული აქცენტი კეთდება მიმდინარე კვირის მასიურ დაბომბვაზე“, − წერს რუსეთის მუდმივი წარმომადგენლობის ხელმძღვანელის მოადგილე დმიტრი პოლიანსკი Telegram-არხზე.

როგორც რუსი დიპლომატი აცხადებს, რუსეთი აუცილებლად წამოწევს ამ თემას გაეროს უშიშროების საბჭოს სხდომაზე, რომელიც დღეს, 9 დეკემბერს გაიმართება მოსკოვის დროით 23:00 საათზე.
ყველა ახალი ამბავი
0