მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

უკრაინის ენერგოსისტემის სრულად აღდგენა ახლა შეუძლებელია: ზელენსკიმ მოსახლეობას მიმართა

© Press Service of the President of Ukraine
  - Sputnik საქართველო, 1920, 08.12.2022
გამოწერა
НовостиTelegram
თბილისი, 8 დეკემბერი − Sputnik. უკრაინის ენერგეტიკული სისტემის სრულად აღდგენა ამ დროისათვის შეუძლებელია, განაცხადა პრეზიდენტმა ვოლოდიმირ ზელენსკიმ ვიდეომიმართვაში, რომელიც მის ოფიციალურ Telegram-არხზე გამოქვეყნდა.

„ჩავატარე თათბირი ენერგოსისტემის სტაბილიზაციისა და ჩვენი ელექტროსადგურების დაცვის თემაზე. ჩვენ გამუდმებით ვზრდით გენერაციას და ელექტროენერგიის მიწოდებას. <...> მაგრამ არ უნდა დაგვავიწყდეს, რომ ენერგოსისტემის იმ დონემდე აღდგენა, როგორც ეს რუსეთის ენერგოტერორამდე იყო, ახლა შეუძლებელია. საჭიროა დრო“, − აღნიშნა უკრაინის პრეზიდენტმა.

როგორც მან განმარტა, სწორედ ამ მიზეზითაა შემოღებული ქვეყანაში ელექტროენერგიის გრაფიკით მიწოდება.
ზელენსკის თქმით, ელექტროენერგიის ყველაზე ხშირი გათიშვები ფიქსირდება კიევსა და კიევის ოლქში, ასევე ლვოვის, ჟიტომირის, ხმელნიცკის, პოლტავის, ვინიცისა და იმიერკარპატეთის ოლქებში.
უკრაინაში ელექტრომომარაგებასთან დაკავშირებული პრობლემები მას შემდეგ წარმოიშვა, რაც ოქტომბერში უკრაინის მიერ ყირიმის ხიდზე მიტანილ იერიშზე პასუხად რუსეთმა უკრაინის ენერგეტიკულ ინფრასტურტურას შეუტია. როგორც „უკრენერგოს“ ხელმძღვანელობამ განაცხადა ნოემბრის ბოლოს, ამ ხნის განმავლობაში რუსეთმა ქვეყნის ყველა მსხვილი თბო- და ჰიდროელექტროსადგური დააზიანა. ქვეყნის პრემიერ-მინისტრ დენის შმიგალის თქმით, სახელმწიფოს ენერგოსისტემის თითქმის ნახევარი მწყობრიდანაა გამოსული.
ყველა ახალი ამბავი
0