ღამით რუსთაველზე მოძრაობა შეიზღუდება

© photo: Sputnik / Stringerსაახალწლო განათება რუსთაველზე
საახალწლო განათება რუსთაველზე - Sputnik საქართველო, 1920, 06.12.2022
გამოწერა
ტრანსპორტის მოძრაობა შეზღუდული იქნება პირველი რესპუბლიკის მოედნიდან თავისუფლების მოედნამდე არსებულ მონაკვეთში.
თბილისი, 6 დეკემბერი — Sputnik. საახალწლო ილუმინაციების მონტაჟის გამო რუსთაველის გამზირზე ტრანსპორტის მოძრაობა კვლავ შეიზღუდება, იუწყება თბილისის მერია.
ტრანსპორტის გადაადგილება 7 დეკემბერს, 00:00-დან 06:00 საათამდე შეზღუდული იქნება პირველი რესპუბლიკის მოედნიდან თავისუფლების მოედნამდე არსებულ მონაკვეთში.
სატრანსპორტო საშუალებებისთვის გადაადგილება შესაძლებელი იქნება ლეონიძის, ინგოროყვას, ალექსანადრე ჭავჭავაძის, გრიბოედოვის, ბარათაშვილისა და თაბუკაშვილის ქუჩების გამოყენებით; მელიქიშვილის გამზირიდან მთაწმინდის დანარჩენი ქუჩების მიმართულებით მოძრაობა დასაშვები იქნება ჯანაშიას, თარხნიშვილის, ტატიშვილის, ჭოველიძის, ზანდუკელის ქუჩების გავლით და შემდეგ ბარნოვის, გოგებაშვილისა და კაკაბაძეების ქუჩების გამოყენებით.
როდის აინთება დედაქალაქის მთავარი ნაძვისხე?>>
მთაწმინდის რაიონის სხვა ქუჩებიდან მელიქიშვილის გამზირსა და მეტროს სადგურ „რუსთაველის“ ტერიტორიაზე მოხვედრა შესაძლებელი იქნება გრიბოედოვის, მაყაშვილის, ბარნოვისა და შანიძის ქუჩების გავლით. თავისუფლების მოედანზე კი გადაადგილება შეზღუდული იქნება მხოლოდ რუსთაველის გამზირის მიმართულებით.
მეტროს სადგურ „რუსთაველის“ მიმდებარე ტერიტორიიდან თავისუფლების მოედნისკენ მიმავალი კერძო ავტომობილები რუსთაველის გამზირზე ზეთისხილის ხესთან მობრუნების შემდეგ მიხეილ ჯავახიშვილის ქუჩისა და მტკვრის მარჯვენა სანაპიროს საშუალებით იმოძრავებენ.
ყველა ახალი ამბავი
0