გლდანში ტრანსპორტის მოძრაობის სქემა იცვლება

© Sputnik / STRINGERგლდანი
გლდანი - Sputnik საქართველო, 1920, 06.12.2022
გამოწერა
НовостиTelegram
მოძრაობის ჩაკეტვის მიზეზი საახალწლო ღონისძიებებია.
თბილისი, 6 დეკემბერი — Sputnik. საახალწლოდ დაგეგმილ ღონისძიებებთან დაკავშირებით, გლდანის რაიონში ტრანსპორტის მოძრაობის სქემა იცვლება, იუწყება დედაქალაქის მერია.
კერძოდ, ხიზანიშვილის ქ. N30-დან ვეკუას ქუჩის კვეთამდე არსებულ საგზაო მონაკვეთზე - „სქაი პლაზასა“ და „გლდანი პლაზას“ მიმდებარე ტერიტორია დროებით გადაიკეტება.
უწყების ცნობით, 7 დეკემბრის 09:00 საათიდან ხიზანიშვილის ქუჩიდან წამომსვლელი ავტომობილები, აღნიშნულ ტერიტორიაზე მოძრაობას შეძლებენ მხოლოდ ნაწილობრივ, „გლდანი პლაზას“ ტერიტორიაზე არსებული პარკინგის გამოყენების მიზნით, გზის დანარჩენ ნაწილზე კი მოძრაობა შეიზღუდება.
ხიზანიშვილის ქუჩიდან მოძრავი ავტომობილებისთვის ვეკუას ქუჩაზე მოხვედრა შესაძლებელი იქნება ალტერნატიული მკვეთი ქუჩების გამოყენებით, საზოგადოებრივი ტრანსპორტის გადაადგილების სქემა კი დროებით შეიცვლება.
რაც შეეხება საზოგადოებრივი ტრანსპორტის მოძრაობის სქემას, მიკროავტობუსები: N496, N439 და N486 მოსულიშვილის ქუჩიდან მოძრაობას ხიზანიშვილის ქუჩაზე განაგრძობენ, ამავე ქუჩის N35-დან გადავლენ ვეკუას ქუჩაზე, რის შემდეგაც, მეტროსადგურ „ახმეტელის თეატრის“ მიმდებარე ტერიტორიას დაუკავშირდებიან; მიკროავტობუსი N510 ვეკუას ქუჩიდან ხიზანიშვილის ქ. N35-თან დატრიალების შემდეგ, ბოლომდე ხიზანიშვილის ქუჩით გადაადგილდება. აღნიშნულ მიკროავტობუსს გაჩერება ექნება მეტროსადგურ „ახმეტელის თეატრის“ მიმდებარედ, გობრონიძის ქუჩის კვეთასთან.
ავტობუსი N297 მეტროსადგურ „ახმეტელის თეატრის“ მიმდებარე ტერიტორიიდან ხიზანიშვილის ქუჩის ნაცვლად, მოძრაობას ვეკუას ქუჩაზე განაგრძობს, საიდანაც ნანეიშვილის ქუჩას დაუკავშირდება. უკუმიმართულებით მოძრაობისას, ავტობუსი ხიზანიშვილის ქ. N35-თან დატრიალდება და მეტროსადგურ „ახმეტელის თეატრამდე“, ხიზანიშვილის ქუჩით გადაადგილდება.
წყარო - თბილისის მერია
ყველა ახალი ამბავი
0