ქვემო სვანეთში ხეტყის უკანონო მოპოვების ფაქტი გამოვლინდა

CC BY 2.0 / Sterling College / Axeხეტყის ჭრა
ხეტყის ჭრა - Sputnik საქართველო, 1920, 05.12.2022
გამოწერა
НовостиTelegram
მასალები შემდგომი რეაგირების მიზნით შესაბამის უწყებაში გადაიგზავნა.
თბილისი, 5 დეკემბერი — Sputnik. გარემოსდაცვითი ზედამხედველობის დეპარტამენტის თანამშრომლებმა ლენტეხის მუნიციპალიტეტში ხეტყის უკანონო მოპოვებისა და ტრანსპორტირების ფაქტი გამოავლინეს.
უწყების ცნობით, მოქალაქეს სოფელ ხელედში რეგისტრირებული სახერხი საამქროს ტერიტორიიდან მოშორებით დალაგებული ჰქონდა წიწვოვანი სახეობის 100 კუბურ მეტრამდე მოცულობის დაუფირნიშებელი მრგვალი ხეტყე (მორი).
გარემოსთვის მიყენებული ზიანის ოდენობა 61,5 ათას ლარს აჭარბებს.
აღნიშნულ ფაქტთან დაკავშირებული მასალები, რომელიც შეიცავს სისხლის სამართლის დანაშაულის ნიშნებს, შემდგომი რეაგირების მიზნით შესაბამის უწყებას გადაეგზავნა.
ყველა ახალი ამბავი
0