თბილისში მოდის დღეს აღნიშნავენ

© photo: Sputnik / DIMA BABUSHKIN / RIGA FASHION WEEKმოდელი
მოდელი - Sputnik საქართველო, 1920, 02.12.2022
გამოწერა
НовостиTelegram
მსურველები სხვადასხვა ქვეყნის დიზაინერთა პროდუქციის შეძენას შეძლებენ.
თბილისი, 2 დეკემბერი – Sputnik. თბილისში ადგილობრივი და უცხოელი დიზაინერების კოლექციების ჩვენებით აღინიშნება 25 დეკემბერს მოდის დღე, ნათქვამია ორგანიზატორების განცხადებაში.
ღონისძიებაში, რომლის დევიზია „ეძებე შენი საკუთარი!“, მონაწილეობას მიიღებენ მოდის ინდუსტრიის დიზაინერები საქართველოდან, ევროპიდან და აზიიდან, ასევე მომღერლები, მხატვრები, ხელოსნები, შემსრულებლები და მოდის ინდუსტრიის მწარმოებლები.

„ამ დღეს შევძლებთ ვისაუბროთ შემოქმედების ენაზე, რომელიც ყველასთვის გასაგებია, მიუხედავად ჩვენი მრწამსისა და წარმომავლობისა“, – აღნიშნავენ ორგანიზატორები.

ღონისძიება, რომელიც ბადრი პატარკაციშვილის კუთვნილ, ყოფილ ქორწინების უნიკალურ სასახლეში ჩატარდება, მოიცავს ასევე გასართობ პროგრამას, რომელშიც მონაწილეობას მიიღებენ ვოკალისტები და ევროპის ტექნოკულტურის წარმომადგენლები.
მსურველები შოურუმში შეძლებენ ქართული, ევროპული და აზიური მსხვილი ბრენდების წარმომადგენელთა ტანსაცმლის, ფეხსაცმლის, აქსესუარების, საიუველირო სამკაულების, კერამიკისა და სხვა ნივთების შეძენას.
ეწვიეთ „Sputnik საქართველოს“ Telegram-არხს
ყველა ახალი ამბავი
0