თბილისში 6 ათასამდე აბონენტი ბუნებრივი აირის გარეშე დარჩა

© photo: Sputnik / Stringer
  - Sputnik საქართველო, 1920, 02.12.2022
გამოწერა
НовостиTelegram
გაზმომარაგება სრულად 3 დეკემბრის 20:00 საათისთვის აღდგება.
თბილისი, 2 დეკემბერი — Sputnik. დღეს სამგორის რაიონში 5.700-მდე აბონენტს გაზის მიწოდება დროებით შეუწყდა. ამის შესახებ ინფორმაციას გაზგამანაწილებელი კომპანია „თბილისი ენერჯი“ ავრცელებს.
კომპანიის ინფორმაციით, გაზსადენზე დღეს, 15:45 საათისთვის მომხდარი ავარიის გამო გაზის მიწოდება შეუწყდა ისანი-სამგორის რაიონის მოსახლეობასა და ამ ტერიტორიაზე მდებარე მსხვილ და მცირე კომერციულ და კომუნალურ ობიექტებს. მათ შორის: გიმნაზია „შავნაბადას“, ისანი-სამგორის პოლიციის მესამე განყოფილებას, საბავშვო ბაღებს, სუპერმარკეტებს, ბანკების ფილიალებს და სხვ.
გაზმომარაგების აღდგენა შაბათს, 3 დეკემბრის 10:00 საათიდან დაიწყება და 20:00 საათისთვის დასრულდება.
ყველა ახალი ამბავი
0