საქართველომ „დეოლიგარქიზაციის შესახებ“ კანონის საკუთარი ვერსია ვენეციის კომისიას გაუგზავნა

© Parliament of Georgiaშალვა პაპუაშვილი
შალვა პაპუაშვილი - Sputnik საქართველო, 1920, 01.12.2022
გამოწერა
НовостиTelegram
პარლამენტის თავმჯდომარემ იმედი გამოთქვა, რომ დასკვნა ქართულ კანონპროექტზე უახლოეს მომავალში იქნება მიღებული.
თბილისი, 1 დეკემბერი – Sputnik. საქართველოს პარლამენტმა „დეოლიგარქიზაციის შესახებ“ პროექტის ინგლისური ვერსია ვენეციის კომისიას გაუგზავნა, განაცხადა პარლამენტის სპიკერმა შალვა პაპუაშვილმა.
საქართველოს პარლამენტმა ვენეციის კომისიაში შეკითხვა მას შემდეგ გაგზავნა, რაც ჯერ ევროკომისარმა ოლივერ ვარჰეიმ, ხოლო შემდეგ საქართველოში ევროკავშირის წარმომადგენლობამ ხელისუფლებას ურჩიეს, დალოდებოდნენ ვენეციის კომისიის დასკვნას უკვე ორი მოსმენით მიღებულ „დეოლიგარქიზაციის შესახებ“ ქართულ კანონპროექტზე.
„დღეს ჩემმა კაბინეტმა უკვე გადააგზავნა „დეოლიგარქიზაციის შესახებ“ პროექტის ინგლისური ვერსია ვენეციის კომისიაში, თხოვნით, რომ ერთობლივი დასკვნა მოგვაწოდონ ამ კანონპროექტთან დაკავშირებით“, - განუცხადა ჟურნალისტებს პაპუაშვილმა.
ამასთან მან იმედი გამოთქვა, რომ დასკვნა ქართულ კანონპროექტზე უახლოეს მომავალში იქნება მიღებული.
„უკრაინის შემთხვევაში ვხედავთ, რომ ერთ წელიწადზე მეტი დრო დასჭირდა ვენეციის კომისიას და ჯერჯერობით არ არის დასკვნა, ახლა იმავე ტექსტთან დაკავშირებით საქართველოსთან მიმართებით, იმედია, უფრო მალე იქნება პასუხი“, - განაცხადა პაპუაშვილმა.
დეოლიგარქიზაცია 12-დან ერთ-ერთი პირობაა, რომელიც საქართველომ ევროკავშირის წევრობის კანდიდატის სტატუსის მოსაპოვებლად უნდა შეასრულოს.
მმართველი პარტია „ქართული ოცნება - დემოკრატიული საქართველოს“ მიერ შემუშავებული კანონპროექტი პარლამენტმა უკვე ორი მოსმენით მიიღო. ამ ეტაპზე საპარლამენტო უმრავლესობამ გადაწყვიტა, რომ კანონპროექტს არ განიხილავენ მესამე, საბოლოო მოსმენით მანამდე, სანამ არ იქნება ვენეციის კომისიის დასკვნა.
ოპოზიცია, რომელიც კანონპროექტის მიღების წინააღმდეგი იყო, კმაყოფილია, რომ პროექტი ვენეციის კომისიაში გაიგზავნა.
ამავე დროს საპარლამენტო ოპოზიციის ლიდერები მოითხოვენ, რომ პარლამენტმა კომისიას კანონის მათ მიერ შემუშავებული ვარიანტიც გაუგზავნოს.
ყველა ახალი ამბავი
0