მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

WSJ: ვაშინგტონსა და მოკავშირეებს შორის უკმაყოფილებამ იჩინა თავი

© AFP 2020 / STR
  - Sputnik საქართველო, 1920, 30.11.2022
გამოწერა
НовостиTelegram
თბილისი, 30 ნოემბერი − Sputnik. ევროპელი ლიდერები აშშ-ს ენერგეტიკულ კრიზისსა და ეკონომიკური სიტუაციის გაუარესებაში ადანაშაულებენ, ნათქვამია The Wall Street Journal-ის რეპორტიორების ნოემი ბისერბისა და ენდრიუ რესტუჩის პუბლიკაციაში.

„ტრანსატლანტიკური კავშირები სუსტდება, ვინაიდან საფრანგეთის პრეზიდენტი ემანუელ მაკრონი და სხვა ევროპელი ლიდერები უკმაყოფილონი არიან აშშ-ის პოლიტიკით, რომელიც, მათი თქმით, უკრაინაში ომით გამოწვეულ ეკონომიკურ პრობლემებსა და ენერგეტიკულ კრიზისს აღრმავებს“, − ნათქვამია სტატიაში.

როგორც ჟურნალისტები წერენ, რუსეთ-უკრაინის კონფლიქტმა თავიდან „ახალი სიცოცხლე შთაბერა“ ჩრდილოატლანტიკური შეთანხმების ორგანიზაციას და აშშ-სა და ევროპას შორის „ვაჭრობისა და ინვესტიციების ბუმი“ გამოიწვია. მაგრამ ახლა ევროპელი ოფიციალური პირები უკვე უკმაყოფილონი არიან იმით, რომ ისინი სულ უფრო მეტად დამოკიდებული გახდნენ ვაშინგტონზე უსაფრთხოებისა და ეკონომიკური სტაბილურობის სფეროებში.
ამასთან სტატიაში ხაზი ესმება იმასაც, რომ ამერიკული გათხევადებული გაზის მიწოდებები ევროპას ბევრად ძვირი უჯდება.
„აშშ იმიტომ ჩაერია, რომ კონტინენტზე ბუნებრივი აირის ერთ-ერთი ყველაზე მსხვილი მიმწოდებელი, რუსეთი ჩაენაცვლებინა, მაგრამ მისი გათხევადებული ბუნებრივი აირი უფრო ძვირი ჯდება, რაც ევროპის საწარმოო ბაზას დიდ დატვირთვას უქმნის“, − წერენ ჟურნალისტები.
გარდა ამისა, მათი აზრით, ევროპას ვაშინგტონის მხარდაჭერა ასევე სჭირდება საკუთარი თავდაცვის განსამტკიცებლად და „რუსეთთან პირდაპირი კონფრონტაციისგან თავის დასაღწევად“, რაც ევროპას ფრონტის წინა ხაზზე დააყენებდა.
ყველა ახალი ამბავი
0