სასარგებლო თვისებების შესანარჩუნებლად: რომელი ბურღულეული უნდა გაირეცხოს და რომელი - არა

© Pixabay / TinaKirkსასარგებლო ბურღულეული
სასარგებლო ბურღულეული - Sputnik საქართველო, 1920, 30.11.2022
გამოწერა
თბილისი, 30 ნოემბერი − Sputnik. იმისათვის, რომ ფაფამ სასარგებლო თვისებები შეინარჩუნოს, იყოს გემრიელი და მარგებელი, მომზადების ტექნოლოგიის დაცვაა საჭირო, აცხადებენ სპეციალისტები.
მათი თქმით, დიასახლისები, როგორც წესი, ყველა სახის ბურღულეულსა თუ პარკოსნებს ერთი ტექნოლოგიით ხარშავენ და საერთოდ არ აქცევენ ყურადღებას იმას, თუ რომელს რა თვისებები აქვს.
ამასთან, მიუხედავად იმისა, რომ ბოლო პერიოდში ბურღულეულიცა და პარკოსნებიც ძირითადად დაფასოებული და თითქოს საგულდაგულოდ გაწმენდილიც იყიდება მაღაზიებში, უმრავლესობა მაინც გულმოდგინედ რეცხავს ყველა სახის მარცვლეულს. მაგრამ, როგორც ირკვევა, ეს ყოველთვის სწორი საქციელი არ არის, ვინაიდან ზოგი ბურღული რეცხვისას სასარგებლო თვისებებს კარგავს.
სწორედ ამიტომ საჭიროა იცოდეთ, მომზადებამდე რომელი მარცვლეულ-ბურღულეული უნდა გაირეცხოს და რომელი − არა.

მოხარშვამდე უნდა გაირეცხოს:

ქერის მარცვალი („პერლოვკა“),
ლობიო,
ფეტვი,
ბრინჯი,
წიწიბურა,
ბარდა,
ოსპი,
ნუტი და ა.შ.
თანაც ამ პროდუქტების შემთხვევაში წყლის მხოლოდ ერთხელ გადავლება საკმარისი არ არის. მაგალითად, ბრინჯი და ფეტვი იქამდე უნდა რეცხოთ, ვიდრე ფქვილოვანი სითეთრე არ გაუვა.

როგორი წყლით უნდა გაირეცხოს

ალბათ გაგიკვირდებათ, მაგრამ წყლის ტემპერატურას ლამის გადამწყვეტი მნიშვნელობა აქვს გემოსა და თვისებების შენარჩუნებისთვის.
როგორც სპეციალისტები ამბობენ, ცივი წყლით უნდა გაირეცხოს მხოლოდ ბრინჯი და ფეტვი, ხოლო თბილით:
ხორბლის ბურღული,
ქერი,
წიწიბურა.
სპეციალისტების თქმით, თბილ წყალში რეცხვა ამ სამ პროდუქტს გემოს უუმჯობესებს.
იმისათვის, რომ გემო და სასარგებლო თვისებები არ დაკარგოს, მომზადების წინ

არ უნდა გაირეცხოს:

კუსკუსი
მანანის ფაფა
ჰერკულესის ფანტელები
ბულგური
დაღერღილი ქერი
სიმინდის ფქვილი (და არა ღერღილი).
ყველა ახალი ამბავი
0