თბილისში გამოფენა „კერამიკის ამბავი“ გაიხსნება

© courtesy of Baia GalleryBaia Gallery
Baia Gallery - Sputnik საქართველო, 1920, 24.11.2022
გამოწერა
НовостиTelegram
თბილისელები და დედაქალაქის სტუმრები ექსპოზიციის დათვალიერებას 15 დეკემბრამდე შეძლებენ.
თბილისი, 24 ნოემბერი — Sputnik. საგამოფენო სივრცე Baia Gallery-ში თუთუ კილაძისა და გოიკა მუჩიაშვილის ნამუშევრების გამოფენა „კერამიკის ამბავი“ 24 ნოემბერს გაიხსნება, იუწყებიან ორგანიზატორები.
ექსპოზიციაზე წარმოდგენილი იქნება თუთუ კილაძის მიერ მოხატული კერამიკის ნიმუშები და გოიკა მუჩიაშვილის დეკორატიული ფორმები.
„კილაძე უკვე დიდი ხანია მიმართავს კერამიკის და ფერწერის სინთეზის ამ ფორმას. ეს ნამუშევრები, შესრულებული შამოტის ფილებზე, ჭიქურის მოელვარე ზედაპირით და მოზაიკის ფაქტურით, ფერწერისა და კერამიკის შესაძლებლობების ახლებურად გადაწყვეტის საინტერესო ნიმუშებს წარმოადგენს. მუჩიაშვილის დეკორატიული ფორმები კერამიკის არქაული ტრადიციის თანამედროვე ვერსიფიკაციაა“, – ნათქვამია გამოფენის ანონსში.
Baia Gallery-ში გამოფენა15 დეკემბერამდე გასტანს. პროექტი განხორციელდა კულტურის, სპორტისა და ახალგაზრდობის სამინისტროს მხარდაჭერით.
ყველა ახალი ამბავი
0