თბილისში უცხოეთში მოქმედი საკვირაო სკოლების კონფერენცია გაიმართა

© Ministry of Foreign Affairs of Georgiaსაკვირაო სკოლების წარმომადგენლების კონფერენცია
საკვირაო სკოლების წარმომადგენლების კონფერენცია - Sputnik საქართველო, 1920, 23.11.2022
გამოწერა
НовостиTelegram
მსოფლიოს სხვადასხვა ქვეყანაში 150-მდე ქართული საკვირაო სკოლა ფუნქციონირებს.
თბილისი, 23 ნეომბერი — Sputnik. საქართველოს საგარეო საქმეთა სამინისტრომ განათლებისა და მეცნიერების სამინისტროსთან და სახელმწიფო ენის დეპარტამენტთან ერთად უცხოეთში მოქმედი ქართული საკვირაო სკოლების სამუშაო კონფერენციას უმასპინძლა.

კონფერენციაზე ყურადღება დაეთმო უცხოეთში ქართულ ენაზე განათლების მიღების შესაძლებლობას, ქართულ საკვირაო სკოლებში სასწავლო პროცესის მიმდინარეობას, სახელმწიფოს მხარდაჭერას ამ მიმართულებით და როგორც დაგეგმილ, ისე მიმდინარე პროექტებს.

ყურადღება გამახვილდა საკვირაო სკოლების მხარდაჭერის პროგრამის ფარგლებში შექმნილი ინტეგრირებული სახელმძღვანელოების გაუმჯობესების გზებზე.
საგარეო საქმეთა მინისტრის მოადგილემ ვლადიმერ კონსტანტინიდიმ მადლობა გადაუხადა საზღვარგარეთ მოქმედი საკვირაო სკოლების ხელმძღვანელებსა და მასწავლებლებს იმ მნიშვნელოვანი საქმიანობისთვის, რომელსაც ისინი ეწევიან უცხოეთში მცხოვრები მოზარდი თაობისთვის მშობლიური ენის, ეროვნული და კულტურული იდენტობის შესანარჩუნებლად.
© Courtesy of Ministry of Foreign Affairs of Georgiaუცხოეთში მოქმედი ქართული საკვირაო სკოლების კონფერენცია
Конференция грузинских воскресных школ, действующих за рубежом - Sputnik საქართველო, 1920, 23.11.2022
უცხოეთში მოქმედი ქართული საკვირაო სკოლების კონფერენცია
კონსტატინიდის თქმით, საქართველოს განათლებისა და მეცნიერების სამინისტროს, სახელმწიფო ენის დეპარტამენტისა და მასწავლებელთა პროფესიული განვითარების ეროვნული ცენტრის როლი საზღვარგარეთ მოქმედ ქართულ საკვირაო სკოლებში სწავლების პროცესის, განსაკუთრებით კი ქართული ენის სწავლებისა და მისი გაუმჯობესების ხელშეწყობაში ძალიან მნიშვნელოვანია.
შეხვედრაში მონაწილეობდნენ საზღვარგარეთ მოქმედი საკვირაო სკოლის ხელმძღვანელები და მასწავლებლები სხვადასხვა ქვეყნებიდან: ავსტრია, აშშ, ბელარუსი, გერმანია, ესტონეთი, ირლანდია, თურქეთი, იტალია, ესპანეთი, კანადა, კვიპროსი, ნიდერლანდი, პორტუგალია, საბერძნეთი, საფრანგეთი, უკრაინა, ყაზახეთი, შვეიცარია.
აღსანიშნავია, რომ ამჟამად მსოფლიოს სხვადასხვა ქვეყანაში 150-მდე ქართული საკვირაო სკოლა ფუნქციონირებს.
ყველა ახალი ამბავი
0