მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

რუსეთი მიუნხენის უსაფრთხოების კონფერენციაზე არ მიიწვიეს

© photo: Sputnik / Aleksey Vitvitskiy / გადასვლა მედიაბანკში
  - Sputnik საქართველო, 1920, 22.11.2022
გამოწერა
НовостиTelegram
თბილისი, 22 ნოემბერი — Sputnik. რუსეთი არ იქნება მიწვეული მიუნხენის უსაფრთხოების ყოველწლიურ კონფერენციაზე (MSC), რომელიც მომავალი წლის თებერვალშია დაგეგმილი, წერს ფორუმის თავმჯდომარე, გერმანელი დიპლომატი კრისტოფ ჰოისგენი Twitter-ზე.

„რუსი ოფიციალური პირები არ არიან მოწვეული 2023 წლის კონფერენციაზე. ჩვენ არ მივცემთ მათ პლატფორმას პროპაგანდისთვის. ჩვენ გვსურს ვიმსჯელოთ რუსეთის მომავალზე რუსული ოპოზიციის ლიდერებთან და გაძევებულებთან ერთად. მათი ხმა უნდა გაძლიერდეს და უნდა იყოს მოსმენილი“, — ნათქვამია ჰოისგენის ტვიტში.

მიუნხენის უსაფრთხოების კონფერენცია ერთ-ერთი ყველაზე პრესტიჟული საერთაშორისო ფორუმია უსაფრთხოების სფეროში, მასში ათობით ქვეყნის ლიდერები, მთავრობები, მინისტრები, გამოჩენილი პოლიტიკოსები და საზოგადო მოღვაწეები მონაწილეობენ.
აღსანიშნავია, რომ რუსეთმა უარი თქვა მიუნხენის 2022 წლის კონფერენციაში მონაწილეობაზე, რომელიც 18-19 თებერვალს გაიმართა. როგორც მაშინ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა, ბოლო წლებში ეს პლატფორმა სულ უფრო მეტად გარდაიქმნება „ტრანსატლანტიკურ ფორუმად“, კარგავს ობიექტურობასა და ინკლუზიურობას. როგორც წესი, რუსეთს კონფერენციაზე საგარეო საქმეთა მინისტრი სერგეი ლავროვი, ან რუსეთის პრეზიდენტი ვლადიმირ პუტინი წარმოადგენდნენ.
ყველა ახალი ამბავი
0