ჯორჯიას შტატის რაგბის კავშირს უელსზე გამარჯვება საქართველოს ნაკრების ნაცვლად მიულოცეს

© courtesy of Salome Zourabichviliსაქართველოს ნაკრებმა კარდიფში უელსის ნაკრები დაამარცხა
საქართველოს ნაკრებმა კარდიფში უელსის ნაკრები დაამარცხა - Sputnik საქართველო, 1920, 20.11.2022
გამოწერა
გუშინ კარდიფში ისტორიული გამარჯვება იზეიმეს ქართველმა მორაგბეებმა, რომლებმაც დაძაბულ ბრძოლაში უელსის გუნდს ანგარიშით 13:12 მოუგეს.
თბილისი, 20 ნოემბერი - Sputnik. ჯორჯიას შტატის რაგბის კავშირმა სახალისო პოსტი გამოაქვეყნა, სადაც მსოფლიო საზოგადოებას განუმარტა, რომ ამერიკელ მორაგბეებს შაბათს უელსისთვის არ მოუგიათ.
გუშინ კარდიფში ისტორიული გამარჯვება იზეიმეს ქართველმა მორაგბეებმა, რომლებმაც დაძაბულ ბრძოლაში უელსის გუნდს ანგარიშით 13:12 მოუგეს. შეხვედრის დასრულებამდე ორი წუთით ადრე ქართველებმა მოიპოვეს საჯარიმო დარტყმის უფლება, რომელიც მატკავამ ზუსტად შეასრულა და საბოლოო ანგარიშიც დაამყარა.
ინგლისურად საქართველოს დასახელება - ჯორჯია - ამერიკის ერთ-ერთი შტატის - ჯორჯიას დასახელებას ემთხვევა.
„სანამ მილოცვებს ვიღებთ, უნდა აღვნიშნოთ, რომ ჩვენ ვართ ჯორჯიას შტატის (აშშ) რაგბის კავშირი, და ჩვენ არ მოგვიგია უელსისთვის. თუმცა, მადლობა! ჩვენ ვულოცავთ ქართველ ხალხს ამ ისტორიულ გამარჯვებას", - ნათქვამია ჯორჯიას შტატის რაგბის კავშირის განცხადებაში.
ნოემბერში საქართველოს ნაკრებმა სამი ტესტ-მატჩი ითამაშა – 6 ნოემბერს ურუგვაისთან, 12 ნოემბერს – სამოასთან და 19 ნოემბერს უელსთან. ურუგვაისთან დაპირისპირება ბორჯღალოსნების სასარგებლოდ დასრულდა – 34:18, მეორე შეხვედრა სამოამ მოიგო – 20:19. კარდიფში კი მატჩი ქართველების სასარგებლოდ დასრულდა - 12:13.
ყველა ახალი ამბავი
0