მკვლელობა მცხეთაში: ორ პირს პატიმრობა შეეფარდა

© photo: Sputnik / Stringerდაკავება
დაკავება - Sputnik საქართველო, 1920, 18.11.2022
გამოწერა
НовостиTelegram
მკვლელობის ფაქტი სოფელ მუხრანში მიმდინარე წლის თებერვალში მოხდა.
თბილისი,18 ნოემბერი – Sputnik. პროკურატურის მიერ წარდგენილი მტკიცებულებების საფუძველზე ნაფიც მსაჯულთა სასამართლომ ჯგუფურად ჩადენილი ჯანმრთელობის განზრახ მძიმე დაზიანების ფაქტზე, რამაც დაზარალებულის სიცოცხლის მოსპობა გამოიწვია, ორი პირი დამნაშავედ ცნო, ნათქვამია საქართველოს პროკურატურის მიერ გავრცელებულ განცხადებაში.
გამოძიებამ დაადგინა, რომ 2022 წლის თებერვალში მცხეთის მუნიციპალიტეტის სოფელ მუხრანში მთვრალ მდგომარეობაში მყოფმა სამმა ბრალდებულმა, პირადი უთანხმოების საფუძველზე წარმოშობილი კონფლიქტის დროს, დაზარალებულს სიცოცხლისთვის საშიში, მძიმე დაზიანებები მიაყენა, რის შედეგად დაზარალებული შემთხვევის ადგილზე გარდაიცვალა.
სამივე პირს ბრალდება სსკ-ის 117 მუხლის მე-6 ნაწილით (ჯანმრთელობის განზრახ მძიმე დაზიანება, რამაც სიცოცხლის მოსპობა გამოიწვია, ჩადენილი ჯგუფურად) წარედგინა, რაც 8-დან 11 წლამდე ვადით პატიმრობას ითვალისწინებს.
ნაფიცი მსაჯულების მიერ გამოტანილი გამამტყუნებელი ვერდიქტის საფუძველზე სასამართლომ ორი ბრალდებული წადგენილ ბრალდებაში დამნაშავედ ცნო და 9 და 10 წლით თავისუფლების აღკვეთა შეუფარდა, ხოლო ერთი ბრალდებული უდანაშაულოდ ცნო და გაამართლა.
ყველა ახალი ამბავი
0