ეროვნული ბანკი: საქართველოს შემოსავლები ტურიზმიდან 3 მლრდ დოლარს მიუახლოვდა

© photo: Sputnik / Stringerტურისტები
ტურისტები - Sputnik საქართველო, 1920, 18.11.2022
გამოწერა
НовостиTelegram
შემოსავლებმა 2022 წლის 10 თვეში 5,7%-ით გადააჭარბა 2019 წლის მაჩვენებელს, როდესაც საქართველოში საერთაშორისო მოგზაურების პიკი იყო.
თბილისი, 18 ნოემბერი – Sputnik. საქართველომ საერთაშორისო მოგზაურებიდან 2022 წლის 10 თვეში 2,8 მილიარდი დოლარის შემოსავალი მიიღო, ნათქვამია საქართველოს ეროვნული ბანკის მასალებში.
ტურიზმის სფერო ყველაზე მეტად დაზარალდა კორონავირუსის პანდემიის შედეგად. ტურიზმის აღორძინება 2021 წელს დაიწყო – 1 თებერვლიდან გაიხსნა საჰაერო სივრცე, ხოლო 1 ივნისიდან – სახმელეთო საზღვრები.
ეროვნული ბანკის ინფორმაციით, უცხოელებიდან შემოსული შემოსავლები 184,4%-ით გაიზარდა 2021 წლის ანალოგიურ პერიოდთან შედარებით, გარდა ამისა, შემოსავლებმა 2022 წლის 10 თვეში 5,7%-ით გადააჭარბა 2019 წლის მაჩვენებელს, როდესაც საქართველოში საერთაშორისო მოგზაურების პიკი იყო.
2022 წლის ოქტომბერში შემოსავლებმა ტურიზმიდან 337,3 მლნ დოლარი შეადგინა, რაც გასული წლის მაჩვენებელზე 137%-ით მეტია, ხოლო 2019 წლის ოქტომბრის მაჩვენებელზე – 26,4%-ით მეტი.
ვინ ხარჯავს ფულს
ყველაზე მეტი თანხა 2022 წლის პირველ 10 თვეში დახარჯეს ვიზიტორებმა რუსეთიდან – 677,9 მლნ დოლარი.
რამდენი დახარჯეს ტურისტებმა საქართველოში

ქვეყანა

ხარჯი, მლნ დოლარი

ვიზიტების რაოდენობა

რუსეთი

677,9

889.497

ევროკავშირი

294,4

243.930

თურქეთი

269,0

624.497

ბელარუსი

231,9

117.924

უკრაინა

223,1

142.854

ამასთან, ოქტომბერში ყველაზე მეტი ფული დახარჯეს რუსეთის მოქალაქეებმა (114,7 მლნ დოლარი), უკრაინის მოქალაქეებმა (33,7 მლნ დოლარი) და თურქეთის მოქალაქეებმა (33,6 მლნ დოლარი).
ვიზიტები საქართველოში
საერთაშორისო მოგზაურების ვიზიტების რიცხვი 2022 წლის იანვარი–ოქტომბერში 188,5%-ით გაიზარდა გასული წლის ანალოგიურ პერიოდთან შედარებით და 4,4 მლნ შეადგინა.
საქართველომ 2022 წლის 10 თვეში 2019 წლის მაჩვენებელი 54,8%-ით აღადგინა.
2022 წლის იანვარი-ოქტომბერი – ქვეყნების ტოპ-5 საერთაშორისო ვიზიტების მხრივ

ქვეყანა

ვიზიტების რაოდენობა, ათასი

ზრდა, %

რუსეთი

889,5

419,8

თურქეთი

624,5

139,0

სომხეთი

594,6

369,1

ისრაელი

179,2

125,9

უკრაინა

142,9

10,6

ვიზიტების საერთო რაოდენობიდან ტურისტული იყო 3,1 მლნ, რაც 2021 წლის იანვარი–ოქტომბრის მაჩვენებელზე 203,4%-ით მეტია. 2019 წელთან შედარებით კი ნაკადი აღდგენილია 68,8%-ით.
ვიზიტების ყველაზე მეტი რაოდენობა აღნიშნულ პერიოდში განახორციელეს რუსეთის მოქალაქეებმა.
რა შემოსავლები ჰქონდა საქართველოს ტურიზმიდან გასულ წლებში
საქართველოს რეკორდული წარმატება ჰქონდა 2019 წელს, როდესაც საერთაშორისო მოგზაურთა რიცხვმა 9,3 მილიონს გადააჭარბა, ხოლო მიღებულმა შემოსავლებმა 3,3 მილიარდი დოლარი შეადგინა.
მაგრამ პანდემიის გამო ტურიზმისგან მიღებული შემოსავლები 2020 წელს 427,7 მლნ დოლარამდე შემცირდა, ხოლო საერთაშორისო მოგზაურთა რაოდენობა – 1,7 მილიონამდე.
2021 წელს საქართველოშიდაახლოებით1,6 მლნ ტურისტული ვიზიტი განხორციელდა, ხოლო ტურიზმის შემოსავლებმა 1,2 მილიარდი დოლარი შეადგინა.
ეწვიეთ „Sputnik საქართველოს“ Telegram-არხს
ყველა ახალი ამბავი
0