საქართველოში 1 მლნ ლარის კრედიტი უკანონოდ მიიღეს

© photo: Sputnik / Stringerლარის კუპიურები
ლარის კუპიურები - Sputnik საქართველო, 1920, 16.11.2022
გამოწერა
НовостиTelegram
ბრალის დამტკიცების შემთხვევაში დაკავებულებს ორიდან ხუთ წლამდე ვადით თავისუფლების აღკვეთა ემუქრებათ.
თბილისი, 16 ნოემბერი – Sputnik. კრედიტის უკანონო მიღების ფაქტებზე ცხრა პირის მიმართ სამართლებლივი დევნა დაიწყო, ნათქვამია ფინანსთა სამინისტროს საგამოძიებო სამსახურის მიერ გავრცელებულ განცხადებაში.
გამოძიებით დადგინდა, რომ ბრალდებულებმა კრედიტის უკანონოდ მიღების მიზნით საქართველოს სხვადასხვა კომერციულ ბანკში შეავსეს სესხის განაცხადები, რომლებშიც დააფიქსირეს მცდარი ინფორმაცია მათი ფინანსური მდგომარეობის შესახებ. მათ წარადგინეს ყალბი ცნობები ფულადი გზავნილების თითქოსდა მიღების თაობაზე, რა გზითაც უკანონოდ მიიღეს ჯამში 1 მილიონ ლარზე მეტი.
გამოძიება სსკ-ის 208-ე მუხლის პირველი ნაწილით მიმდინარეობს, რაც ორიდან ხუთ წლამდე ვადით თავისუფლების აღკვეთას ითვალისწინებს.
ყველა ახალი ამბავი
0