თბილისში ფარშის შემადგენლობაში ცხენისა და ვირის ხორცი გამოავლინეს

© photo: Sputnik / Stringerხორცი
ხორცი - Sputnik საქართველო, 1920, 16.11.2022
გამოწერა
აღნიშნული ფაქტის მასალები მოკვლევის მიზნით სამართალდამცველ უწყებებს გადაეცა.
თბილისი, 16 ნოემბერი – Sputnik. სურსათის ეროვნულმა სააგენტომ სახეობრივი კვლევის შედეგად ხორცპროდუქტებში ცხენისა და ვირის ხორცი გამოავლინა. ამის შესახებ უწყების მიერ გავრცელებულ განცხადებაშია აღნიშნული.
უწყების ცნობით, სააგენტოს თანამშრომლებმა შპს „ლიდერის“ (გლდანი) შემოწმებისას სახეობრივი კვლევისთვის ნიმუშები აიღეს და აკრედიტებულ ლაბორატორიაში გამოიკვლიეს. კვლევის შედეგად კი ფარშის შემადგენლობაში ცხენის და ვირის დნმ გამოვლინდა.

„ობიექტს, კანონმდებლობით გათვალისწინებული ღონისძიებების ფარგლებში, პროდუქციის ამოღება/გამოთხოვა დაევალა, რის აღსრულებაზეც ზედამხედველობას სააგენტო ახორციელებს. ასევე სააგენტოს ინსპექტორებმა გადამოწმებისას ლაბორატორიული კვლევისთვის ნიმუშები განმეორებით აიღეს“, – აღნიშნულია განცხადებაში.

სურსათის ეროვნულმა სააგენტომ აღნიშნული ფაქტის შესახებ მასალები მოკვლევის მიზნით სამართალდამცველ უწყებებს გადასცა.
როგორც განცხადებაშია აღნიშნული, მომხმარებელთა ინტერესების დაცვის მიზნით სურსათის ეროვნული სააგენტო განაგრძობს სურსათის ნიმუშების აღებასა და კვლევას სხვადასხვა პარამეტრზე.
ეწვიეთ „Sputnik საქართველოს“ Telegram-არხს
ყველა ახალი ამბავი
0