ძველი საიდუმლო: გადამღები ჯგუფი წყალქვეშ 37 წლის წინ დაღუპულ „ჩელენჯერს“ წააწყდა

გამოწერა
НовостиTelegram
ტელეარხ History Channel-ის გადამღებმა ჯგუფმა ფლორიდის სანაპიროსთან წყალქვეშ თითქმის 37 წლის წინ აფეთქებული კოსმოსური შატლის – „ჩელენჯერის“ ნამსხვრევები იპოვა.
ჯგუფი წყალქვეშა გადაღებებს აწარმოებდა ფილმისთვის „ბერმუდის სამკუთხედი: დაწყევლილ წყლებში“, როდესაც მოულოდნელად კიდევ ერთ საიდუმლოს წააწყდა. ეს 1986 წლის 28 იანვარს დაღუპული კოსმოსური აპარატის ფრაგმენტები იყო, რომელიც აფრენიდან 73-ე წამზე აფეთქდა.
მაშინ ტრაგედიის მიზეზებზე არაერთი მოსაზრება გამოითქვა, თუმცა მიიჩნევა, რომ ასტრონავტები საწვავის ავზის აფეთქების გამო დაიღუპნენ.
აშშ-ის კოსმოსური კვლევების სააგენტო NASA-მ უკვე დაადასტურა, რომ ნაპოვნი ფრაგმენტები ნამდვილად „ჩელენჯერის“ ნამსხვრევებია, რომელთა ნაწილი, დაახლოებით 188 ტონა, წინა წლებშივე ამოიღეს ოკეანიდან და კუნძულ კანავერალზე, მიტოვებულ სარაკეტო შახტში დამარხეს.
ყველა ახალი ამბავი
0