ქართველი მეზღვაურები ნიდერლანდის დროშით მცურავ გემებზე დასაქმებას შეძლებენ

© photo: Sputnik / Stringerბათუმის პორტი
ბათუმის პორტი - Sputnik საქართველო, 1920, 11.11.2022
გამოწერა
НовостиTelegram
ქართველ მეზღვაურებს უკვე 73 საზღვაო დროშით მცურავ ფლოტში შეუძლიათ დასაქმება, რომელთა შორის ევროკავშირის წევრი 20 ქვეყანაა.
თბილისი, 11 ნოემბერი – Sputnik. საქართველომ და ნიდერლანდმა ხელი მოაწერეს ორმხრივ მემორანდუმს მეზღვაურთა სერტიფიკატების ურთიერთაღიარების თაობაზე, რის შედეგად ქართველ მეზღვაურებს საშუალება ექნებათ ნიდერლანდის ფლოტში დასაქმდნენ, იუწყება საქართველოს საზღვაო ტრანსპორტის სააგენტო.

„იმედი მაქვს, რომ ეს მემორანდუმი გახდება დინამიკური საზღვაო ურთიერთობების დასაწყისი ნიდერლანდსა და საქართველოს შორის. გარწმუნებთ, რომ ქართული საზღვაო საზოგადოება ელოდება უფრო მჭიდრო თანამშრომლობას ჰოლანდიელ კოლეგებთან", – განაცხადა სააგენტოს ხელმძღვანელმა თამარ იოსელიანმა მემორანდუმზე ხელმოწერის შემდეგ.

მისი თქმით, სააგენტოს მთავარი მიზანია კიდევ უფრო მჭიდრო კავშირების განვითარება საზღვაო უსაფრთხოების, უშიშროებისა და საზღვაო გარემოს დაცვის სფეროებში.
ნიდერლანდის სამეფო წამყვანი საზღვაო სახელმწიფოა, მისი დროშით მსოფლიოს ერთ-ერთი უმსხვილესი ფლოტი დაცურავს.
ქართველ მეზღვაურებს უკვე 73 საზღვაო დროშის ქვეშ მცურავ ფლოტში შეუძლიათ დასაქმება, რომელთა შორის ევროკავშირის წევრი 20 ქვეყანაა.
ყველა ახალი ამბავი
0