პროკურატურა: 25-დან 18 პირი ნარკორეალიზატორია

© photo: Sputnik / Stringerპროკურატურის შენობა
პროკურატურის შენობა - Sputnik საქართველო, 1920, 04.11.2022
გამოწერა
НовостиTelegram
პროკურატურამ ბრალდებულების მიმართ აღკვეთის ღონისძიების სახით პატიმრობის გამოყენების შუამდგომლობით სასამართლოს უკვე მიმართა.
თბილისი, 4 ნოემბერი — Sputnik. საქართველოს პროკურატურამ ნარკოდანაშაულისთვის 25 პირს ბრალი წარუდგინა.
უწყების ცნობით, 18 პირს ბრალი განსაკუთრებით დიდი ოდენობით ნარკოტიკული საშუალების შეძენა- შენახვა-გასაღებისა და გასაღების მცდელობის ფაქტზე, ხოლო 7 პირს განსაკუთრებით დიდი ოდენობით ნარკოტიკული საშუალების, ასევე ფსიქოტროპული ნივთიერების შეძენა-შენახვის ფაქტზე წარედგინა.
გამოძიებით დადგინდა, რომ 18 პირი სისტემატურად ახორციელებდა ნარკოტიკული საშუალებების რეალიზაციას. ასევე 7 ბრალდებული უკანონოდ ინახავდა განსაკუთრებით დიდი ოდენობით ნარკოტიკულ საშუალებებს და ფსიქოტროპულ ნივთიერებებს.
მიმდინარე წლის 8 ოქტომბრიდან 1 ნოემბრის ჩათვლით პერიოდში სასამართლოს შესაბამისი განჩინებების საფუძველზე ეტაპობრივად ჩატარდა ზემოხსენებულ პირთა პირადი და საცხოვრებელი სახლების ჩხრეკები, რის შემდგომაც მოხდა მათი დაკავება.
დაკავებულებს ბრალდება სსკ-ის 260-ე მუხლის პირველი, მესამე, მეოთხე, მეხუთე, მეექვსე და მეშვიდე ნაწილებით, 273’-ე მუხლის მეორე, მესამე, მეხუთე და მერვე ნაწილებით, 19,260-ე მუხლის მეოთხე, მეხუთე და მეშვიდე ნაწილებით, აგრეთვე 261-ე მუხლის მეშვიდე ნაწილით წარედგინათ, რაც 14-დან 20 წლამდე ან უვადო თავისუფლების აღკვეთას ითვალისწინებს.
ყველა ახალი ამბავი
0