ბინების მესაკუთრეები მობინადრეების იძულებითი გამოსახლების აღდგენას მოითხოვენ

© photo: Sputnikახლად აშენებული კორპუსი
ახლად აშენებული კორპუსი - Sputnik საქართველო, 1920, 04.11.2022
გამოწერა
НовостиTelegram
ბინების მესაკუთრეები უფრო და უფრო ხშირად ჩივიან მობინადრეებზე, რომლებიც უარს ამბობენ ქირის გადახდაზე, ამასთან, დაქირავებულ საცხოვრებელს არ ტოვებენ.
თბილისი, 4 ნოემბერი – Sputnik. საქართველოს უძრავი ქონების ეროვნულმა ასოციაციამ ღია წერილით მიმართა პრემიერ-მინისტრს, რომელშიც მესაკუთრეების უფლებების დაცვას მოითხოვს ბინების გაქირავების დროს.
ბინების დაქირავების მოთხოვნის ზრდის ფონზე მესაკუთრეებისა და საცხოვრებელი ფართის დამქირავებლების ურთიერთობების საკითხი განსაკუთრებით აქტუალური გახდა. მესაკუთრეები სულ უფრო ხშირად ჩივიან მობინადრეების მხრიდან მოტყუების შესახებ, როდესაც ისინი უარს ამბობენ ქირის გადახდაზე, დაქირავებულ ბინას კი არ ტოვებენ.

„მივმართავთ საქართველოს მთავრობას და პარლამენტს, ქონების მესაკუთრეების უფლებების დასაცავად დაუყოვნებლივ მიიღონ საკანონმდებლო ცვლილებები საპოლიციო გამოსახლების წესის აღსადგენად, რათა დაცული იყოს მესაკუთრე კონსტიტუციით აღიარებულ უფლებაში და ხელშეშლის გარეშე განკარგავდეს მის საკუთრებაში არსებულ უძრავ ქონებას“, – ნათქვამია განცხადებაში.

ამჟამად მესაკუთრეს თავისი ბინიდან ადამიანის გამოსახლება მხოლოდ სასამართლოს გადაწყვეტილებით შეუძლია. სასამართლო გარჩევა კი ასეთ საკითხებზე, მოსამართლეების ნაკლებობისა და ქართულ სასამართლოებში სამოქალაქო საქმეების სიუხვის გამო, ხშირად წელიწადზე მეტხანს გრძელდება.
ეწვიეთ „Sputnik საქართველოს“ Telegram-არხს
ყველა ახალი ამბავი
0