საქართველო და უნგრეთი წარმატებით ვაჭრობენ

© photo: Sputnik / Stringerთბილისი
თბილისი - Sputnik საქართველო, 1920, 27.10.2022
გამოწერა
НовостиTelegram
სავაჭრო ბრუნვამ საქართველოსა და უნგრეთს შორის 2022 წლის სამ კვარტალში, წინასწარი მონაცემებით, 42,4 მლნ აშშ დოლარი შეადგინა.
თბილისი, 27 ოქტომბერი – Sputnik. სავაჭრო ბრუნვა საქართველოსა და უნგრეთს შორის ბოლო პერიოდში საგრძნობლად გაიზარდა და ახლა ქვეყნები თანამშრომლობის გაფართოებაზე იმუშავებენ, განაცხადა საქართველოს ეკონომიკის მინისტრმა ლევან დავითაშვილმა ბუდაპეშტში ორი ქვეყნის ეკონომიკური კომისიის სხდომის წინ.
საქართველოს მთავრობის წარმომადგენლები პრემიერ ირაკლი ღარიბაშვილის მეთაურობით სამუშაო ვიზიტით უნგრეთში გაემგზავრნენ. ვიზიტის ფარგლებში მთავრობის მეთაური მაღალი დონის შეხვედრებს გამართავს, ასევე იგეგმება მთავრობის წევრების სამუშაო შეხვედრები.

„გაიმართება ორმხრივი ეკონომიკური კომისია, რომლის ფარგლებშიც ჩვენ თანამშრომლობის სხვადასხვა მიმართულებას განვიხილავთ. განსაკუთრებით აღსანიშნავია, რომ მიმდინარე წელს ორ ქვეყანას შორის სავაჭრო ბრუნვა ორჯერ გაიზარდა. ეს ხაზს უსვამს უნგრეთსა და საქართველოს შორის ეკონომიკის მიმართულებით გააქტიურებულ ურთიერთობებს“, – განაცხადა დავითაშვილმა.

მისი თქმით, კომისიის ფარგლებში ოფიციალურად დასრულდება და დამტკიცდება ინვესტიციების დაცვისა და აღიარების შესახებ შეთანხმება.
სავაჭრო ბრუნვამ საქართველოსა და უნგრეთს შორის 2022 წლის სამ კვარტალში, წინასწარი მონაცემებით, 42,4 მლნ აშშ დოლარი შეადგინა. უნგრეთმა საქართველოში დაახლოებით 1 მლნ დოლარის ოდენობის პირდაპირი ინვესტიციები განახორციელა.
ეწვიეთ „Sputnik საქართველოს“ Telegram-არხს
ყველა ახალი ამბავი
0