საქართველოში დეველოპერების ფესტივალი DevFest გაიმართება

© Pixabay / Pexelsმომხმარებელი კომპიუტერთან
მომხმარებელი კომპიუტერთან - Sputnik საქართველო, 1920, 22.10.2022
გამოწერა
НовостиTelegram
DevFest-ზე განიხილება ისეთი ტექნოლოგიები, როგორიცაა ხელოვნური ინტელექტი, Android, Cloud ტექნოლოგიები, UI/UX დიზაინი, გაფართოებული და ვირტუალური რეალობა და სხვა.
თბილისი, 22 ოქტომბერი- Sputnik. დეველოპერების ფესტივალი DevFest 29 ოქტომბერს ქუთაისის აკაკი წერეთლის სახელმწიფო უნივერსიტეტში გაიმართება, წერს Marketer.ge.
დეველოპერული ფესტივალი Google-ის დეველოპერების ჯგუფების მიერ მთელი მსოფლიოს მასშტაბით იმართება და ათასობით ადამიანს აერთიანებს. DevFest-ზე განიხილება ისეთი ტექნოლოგიები, როგორიცაა ხელოვნური ინტელექტი, Android, Cloud ტექნოლოგიები, UI/UX დიზაინი, გაფართოებული და ვირტუალური რეალობა და სხვა.
„ღონისძიება ტარდება ტექნოლოგიურ სფეროში ინტერესის გასაღვივებლად, Google-ის სერვისებთან უფრო ახლოს გასაცნობად, შესაძლებლობების გასაზიარებლად და ახალი თაობისთვის ახალი ეკოსისტემის შესაქმნელად“, - აღნიშნავენ ორგანიზატორები.
ფესტივალი მოიცავს პანელურ დისკუსიებსა და ვორქშოპებს. გამოყოფილი იქნება სპეციალური სივრცეები, რომელიც დაეთმობა ტექნოლოგიების გამოფენას, გართობასა და ნეტვორქინგს. ასევე, მოეწყობა დასაქმების ფორუმი, სადაც კარიერული განვითარებით დაინტერესებული სტუმრები გაივლიან კონსულტაციებს რეზიუმეს წერისა და LinkedIn-ის შექმნა/მართვასთან დაკავშირებით.
„აღსანიშნავია, რომ რეგიონებში ასეთი მასშტაბის რამ პირველად ტარდება. რაც, ხელს შეუწყობს ტექნოლოგიური ჰაბის დეცენტრალიზაციას და ახალი შესაძლებლობების გაჩენას დედაქალაქს გარეთ“, — განაცხადა GDSC Lead-მა და ღონისძიების ორგანიზატორმა, ლიზი ეჯიბიამ.
„ეს არის ტექნოლოგიებით დაინტერესებული ადამიანებისთვის ძალიან მნიშვნელოვანი ღონისძიება, რომელიც ქართველ დეველოპერებს აძლევს შესაძლებლობას, მიიღონ ინფორმაცია თანამედროვე ტექნოლოგიებსა და ტრენდებზე“, - განაცხადა „საქართველოს ბანკის“ ციფრული საბანკო მომსახურების დეპარტამენტის დირექტორმა, ლევან კობახიძემ, რომლის მხარდაჭერითაც იმართება ფესტივალი.
ფესტივალში მონაწილეობის მისაღებად საჭიროა 24 ოქტომბრამდე სარეგისტრაციო ფორმის შევსება, რომელიც ხელმისაწვდომია შემდეგ ბმულზე. ღონისძიება ორ ენაზე წარიმართება - ქართული და ინგლისური.
ღონისძიებაზე დასწრება თავისუფალია.
წყარო - Marketer.ge.
ყველა ახალი ამბავი
0