მოამზადეთ „სუხარიკები“ შინ: უმარტივესი და უგემრიელესი მეთოდი

CC BY-SA 2.0 / bluelotus92 / Rusks basking in the sunმშრალი ორცხობილა
მშრალი ორცხობილა - Sputnik საქართველო, 1920, 19.10.2022
გამოწერა
ორცხობილა, რომელსაც ჩვენ „სუხარიკებს“ ვეძახით, მხოლოდ ბავშვებს კი არა, ზრდასრულებსაც ძალიან უყვართ.
ეს საკმაოდ მრავალფეროვანი, სხვადასხვა გემოსა და არომატის პროდუქტი ყველა მაღაზიაში იყიდება და არჩევანის პრობლემა არ არსებობს.
მაგრამ ჩვენ დღეს გასწავლით ძალიან გემრიელი „სუხარიკების“ რეცეპტს, რომელიც მარტივად და სწრაფად შეგიძლიათ მოამზადოთ და რომელიც საერთოდ დაგავიწყებთ მაღაზიაში შეძენილს. მით უმეტეს, რომ ჩვენი რეცეპტით მომზადებულს არც საღებავები ექნება დამატებული და არც არომატიზატორები.

თქვენ დაგჭირდებათ:

ჩვეულებრივი ბლითები („ბუბლიკი“);
ზეთი − ორი სუფრის კოვზი;
დაფქვილი რეჰანი;
დაფქვილი წითელი ბულგარული წიწაკა;
ნივრის ფხვნილი;
მარილი;
წვრილად გახეხილი ყველი.
სანელებლების რაოდენობა „ბუბლიკების“ რაოდენობის მიხედვით გაზომეთ.

მომზადების წესი

დაჭერით ბლითები თხელ რგოლებად და ჩაყარეთ ჯამში;
მოასხით ზეთი და გემოვნების მიხედვით დაამატეთ ყველა ზემოთ ჩამოთვლილი სანელებელი;
ბოლოს მოაყარეთ გახეხილი ყველი და კარგად მოურიეთ;
შემდეგ მოაფარეთ ჰაერღუმელის ტაფას პერგამენტი და დაყარეთ ზედ შეზავებული ბლითები;
მოასწორეთ თანაბრად და შედგით ღუმელში 10 წუთით 200 გრადუს ტემპერატურაზე.
ესაა და ეს. თქვენი უგემრიელესი „სუხარიკები“ მზადაა.
გემრიელად აკნატუნეთ!
ყველა ახალი ამბავი
0