სალომე ზურაბიშვილი სამუშაო ვიზიტით მოლდოვას ეწვევა

© photo: Sputnik / Stringerსალომე ზურაბიშვილი
სალომე ზურაბიშვილი - Sputnik საქართველო, 1920, 16.10.2022
გამოწერა
2021 წლის ივლისში მოლდოვის პრეზიდენტი მაია სანდუ სალომე ზურაბიშვილის მოწვევით საქართველოს ეწვია
თბილისი, 16 ოქტომბერი – Sputnik. საქართველოს პრეზიდენტი სალომე ზურაბიშვილი ორშაბათს ქალაქ კიშინიოვს ეწვევა და მოლდოვის პრეზიდენტს, მაია სანდუს შეხვდება, იუწყება პრეზიდენტის ადმინისტრაციის პრესსამსახური.
სამუშაო ვიზიტის ფარგლებში, მოლდოვის პრეზიდენტთან მოლაპარაკებები გაფართოებულ ფორმატში, დელეგაციების თანხლებითაც შედგება, რის შემდეგაც პრეზიდენტები მედიისათვის პრესკონფერენციას გამართავენ და ჟურნალისტების შეკითხვებს უპასუხებენ.
დაგეგმილია საქართველოს პრეზიდენტის შეხვედრები მოლდოვის რესპუბლიკის პრემიერ-მინისტრთან, ნატალია გავრილიცასთან და მოლდოვის რესპუბლიკის პარლამენტის თავმჯდომარესთან, იგორ გროსუსთან.
2021 წლის ივლისში მოლდოვის პრეზიდენტი მაია სანდუ სალომე ზურაბიშვილის მოწვევით საქართველოს ეწვია და ბათუმის მე-17 საერთაშორისო კონფერენციაში მიიღო მონაწილეობა.
საქართველომ და მოლდოვამ დიპლომატიური ურთიერთობები 1992 წლის 25 ივნისს დაამყარეს. ქვეყნებს შორის უვიზო რეჟიმი მოქმედებს.
წყარო - პრეზიდენტის ადმინისტრაციის პრესსამსახური.
ყველა ახალი ამბავი
0