ტრაგედია ვაკის პარკში: დაღუპულ მარიტა მეფარიშვილს დღეს დაკრძალავენ

© photo: Sputnik / Stringerსანთლები ტაძარში
სანთლები ტაძარში - Sputnik საქართველო, 1920, 15.10.2022
გამოწერა
მარიტა მეფარიშვილის ცხედარს დღეს ვაკის სამების ტაძრიდან 15:00 საათზე გამოასვენებენ.
თბილისი, 15 ოქტომბერი – Sputnik. 13 წლის მარიტა მეფარიშვილს, რომელიც ვაკის პარკში შადრევანში დენის დარტყმით გარდაიცვალა, დღეს დაკრძალავენ.
მის ცხედარს დღეს ვაკის სამების ტაძრიდან 15:00 საათზე გამოასვენებენ.
გუშინ პანაშვიდზე იმყოფებოდა დედაქალაქის მერი კახა კალაძე. მან მარიტას მშობლებს პირადად მიუსამძიმრა.
ვაკის პარკში უბედური შემთხვევა 13 ოქტომბერს, გარემონტებული შადრევნის გახსნიდან მეორე დღეს მოხდა. შადრევანში ბურთის ამოსაღებად ჩასულ სამ მოზარდს დენმა დაარტყა. სამივე „სასწრაფო დახმარების“ ბრიგადებმა საავადმყოფოში გადაიყვანეს, თუმცა 13 წლის მარიტას გადარჩენა ვერ შეძლეს - მას გული გაუჩერდა. ორი მოზარდი გადარჩა, ერთ-ერთი საავადმყოფოდან უკვე გაწერეს.
მომხდარ ფაქტზე გამოძიება სსკ-ის 240-ე პრიმა მუხლის პირველი და მეორე ნაწილებით დაიწყო, რაც გულისხმობს ელექტროობიექტზე უსაფრთხოების წესების დარღვევას, რასაც მოჰყვა ადამიანის სიცოცხლის მოსპობა. დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს.
ეწვიეთ „Sputnik საქართველოს“ Telegram-არხს
ყველა ახალი ამბავი
0