ფოთი ბავშვებზე მორგებული ქალაქი გახდება

© photo: Sputnik / Stringerგოგონა შადრევანთან
გოგონა შადრევანთან - Sputnik საქართველო, 1920, 12.10.2022
გამოწერა
НовостиTelegram
ფოთმა აიღო ვალდებულება, შეუერთდეს 40-ზე მეტი ქვეყნის 3 ათას ქალაქსა და ადგილობრივ თვითმმართველობას ბავშვზე მორგებული ქალაქების ინიციატივაში.
თბილისი, 12 ოქტომბერი – Sputnik. ფოთის მუნიციპალიტეტის მერია „ბავშვზე მორგებული ქალაქების ინიციატივას“ შეუერთდა, რაც ფოთს შესაძლებლობას მისცემს უფრო მეტად გახდეს ბავშვზე ორიენტირებული ქალაქი, ნათქვამია ფოთის მუნიციპალიტეტის მერიის განცხადებაში.
უწყების ცნობით, თანამშრომლობის მემორანდუმი ფოთის მერიასა და გაეროს ბავშვთა ფონდის საქართველოს ოფისს („იუნისეფი“) შორის გაფორმდა. მემორანდუმის თანახმად, ფოთმა აიღო ვალდებულება, ქალაქში განხორციელებული სოციალური, რეკრეაციული თუ ინფრასტრუქტურული პროექტები მიმართული იყოს ბავშვთა კეთილდღეობის გაუმჯობესებისკენ.
თანამშრომლობის დოკუმენტს ხელი ფოთის მერმა ბექა ვაჭარაძემ და გაეროს ბავშვთა ფონდის წარმომადგენელმა საქართველოში ღასან ხალილმა მოაწერეს.

„მადლობას ვუხდი გაეროს ბავშვთა ფონდის საქართველოს ოფისს ამ შესაძლებლობისთვის, რომ მოგვცა საშუალება გავიზიაროთ სხვა ქვეყნების წარმატებული მაგალითები და ფოთი გავხადოთ ბავშვების კეთილდღეობაზე უფრო მეტად მორგებული ქალაქი”, – განაცხადა ვაჭარაძემ.

მემორანდუმის მიხედვით, ფოთმა აიღო ვალდებულება, შეუერთდეს 40-ზე მეტი ქვეყნის 3 ათას ქალაქსა და ადგილობრივ თვითმმართველობას ბავშვზე მორგებული ქალაქების ინიციატივაში, რომელიც გაეროს ბავშვთა ფონდის მხარდაჭერით ხორციელდება.
იუნისეფის ბავშვზე მორგებული ქალაქების ინიციატივა ბავშვთა უფლებების დაცვის მიმართულებით, ბავშვთა უფლებების კონვენციის საფუძველზე, 1996 წლიდან ეხმარება ადგილობრივ ხელისუფლებებს მსოფლიოს ყველა ნაწილში. მსოფლიოს ბავშვზე მორგებული ქალაქების ქსელი ერთმანეთთან აკავშირებს ყველა დაინტერესებულ მხარეს.
ეწვიეთ „Sputnik საქართველოს“ Telegram-არხს
ყველა ახალი ამბავი
0