საქართველოს პრეზიდენტი დღეს რუმინეთს ეწვევა

© press-service of the President of Georgiaსალომე ზურაბიშვილი
სალომე ზურაბიშვილი - Sputnik საქართველო, 1920, 10.10.2022
გამოწერა
НовостиTelegram
ვიზიტის ფარგლებში სალომე ზურაბიშვილი ქვეყნის საკანონმდებლო და აღმასრულებელი ხელისუფლების წარმომადგენლებთან შეხვედრებს გამართავს.
თბილისი, 10 ოქტომბერი – Sputnik. საქართველოს პრეზიდენტი სალომე ზურაბიშვილი ორდღიანი ოფიციალური ვიზიტით რუმინეთს ეწვევა, ნათქვამია პრეზიდენტის ადმინისტრაციის განცხადებაში.
უწყების ცნობით, საქართველოს პრეზიდენტის დახვედრის ოფიციალური ცერემონია 11 ოქტომბერს ბუქარესტში, „კოტროჩენის" სასახლეში გაიმართება.
რუმინეთის პრეზიდენტ კლაუს იოჰანისისთან პირისპირ და გაფართოებულ ფორმატში, დელეგაციების თანხლებით შეხვედრის შემდეგ საქართველოსა და რუმინეთის პრეზიდენტები მასმედიისთვის ერთობლივ განცხადებებს გააკეთებენ.
ვიზიტის ფარგლებში დაგეგმილია საქართველოს პრეზიდენტის შეხვედრები რუმინეთის უმაღლესი თანამდებობის პირებთან: პრემიერ-მინისტრ ნიკოლაე ჩუკასთან, რუმინეთის სენატის და დეპუტატთა პალატის თავმჯდომარეებთან.
საქართველოს პრეზიდენტის რუმინეთში ვიზიტი 12 ოქტომბერს დასრულდება.
ყველა ახალი ამბავი
0