ტატო გრიგალაშვილი მსოფლიოს ჩემპიონია

© photo: Sputnik / Stringerტატო გრიგალაშვილი
ტატო გრიგალაშვილი - Sputnik საქართველო, 1920, 09.10.2022
გამოწერა
НовостиTelegram
ფინალურ ორთაბრძოლაში გრიგალაშვილის მეტოქე მსოფლიოს მოქმედი ჩემპიონი - ბელგიელი მატიას კასე იყო
თბილისი, 9 ოქტომბერი - Sputnik. ევროპის მოქმედმა ჩემპიონმა, ქართველმა ძიუდოისტმა ტატო გრიგალაშვილმა ტაშკენტში მიმდინარე მსოფლიო ჩემპიონატზე 73 კგ-მდე წონით კატეგორიაში ოქროს მედალი მოიპოვა.
უზბეკეთის დედაქალაქში მსოფლიო ჩემპიონატმა სტარტი ხუთშაბათს, 6 ოქტომბერს აიღო. მასში 85 ქვეყნის 577 სპორტსმენი (311 მამაკაცი და 266 ქალი) მონაწილეობს.
ფინალურ ორთაბრძოლაში გრიგალაშვილის მეტოქე მსოფლიოს მოქმედი ჩემპიონი - ბელგიელი მატიას კასე იყო. გრიგალაშვილმა ანერვიულა ქომაგები, მაგრამ დამატებით დროში მეტოქეს ძალა გამოაცალა. ნახევარფინალში ქართველმა აზერბაიჯანელი ძიუდოისტი, საიდ მოლაეი დაამარცხა.
გრიგალაშვილის ოქრო მიმდინარე მსოფლიო ჩემპიონატზე პირველი მედალია საქართველოს ნაკრებისთვის.
ყველა ახალი ამბავი
0