დღეში სულ 5 წუთი: წონაში აქტიურად დაიკლებთ, თუ ასე ივლით

© Pixabay / StockSnapშემოდგომის ფოთლები
შემოდგომის ფოთლები - Sputnik საქართველო, 1920, 07.10.2022
გამოწერა
თბილისი, 7 ოქტომბერი − Sputnik. თითის წვერებზე რეგულარული სიარული ხელს უწყობს წონაში აქტიურ კლებას, აცხადებენ იუტის (აშშ) უნივერსიტეტის მეცნიერები, რომელთა კვლევის შედეგებიც ჟურნალ Science Daily-შია გამოქვეყნებული.
როგორც ირკვევა, მკვლევარებმა ექსპერიმენტი ჩაატარეს, რომელშიც 20-დან 40 წლამდე ასაკის 27 ადამიანი იღებდა მონაწილეობას. ისინი სამ ჯგუფად დაყვეს და თითოეულ ჯგუფს სხვადასხვა სახით სიარული და სირბილი დაავალეს.
ექსპერიმენტის ბოლოს მეცნიერებმა გაარკვიეს, რომ ისინი, ვინც ქუსლზე დაყრდნობით (ანუ ჩვეულებრივად) დადიოდნენ, კვლევის სხვა მონაწილეებზე ნაკლებ ენერგიას ხარჯავდნენ. ხოლო ისინი, ვინც თითის წვერებზე აწეული მოძრაობდნენ, 83%-ით მეტ კალორიას წვავდნენ.
გარდა ამისა, დადგინდა, რომ თითის წვერებზე სიარული ზრდის ტერფის, ზურგის, მუხლებისა და ბარძაყების კუნთების აქტიურობას.
სპეციალისტები ურჩევენ გახდომის მსურველებს, ყოველდღიურად ხუთ–ხუთი წუთის განმავლობაში იარონ თითის წვერებზე.
მეცნიერებს მიაჩნიათ, რომ მათი კვლევის შედეგები ხელს შეუწყობს ალგორითმის შემუშავებას წონაში დასაკლებად — ექიმები პაციენტს უბრალოდ დაუნიშნავენ თითის წვერებზე რეგულარულ სიარულს ან სირბილს, რათა ორგანიზმმა ბევრად აქტიურად დაწვას ზედმეტი კალორიები.
ყველა ახალი ამბავი
0