„რუსთავი2“ „მაუწყებლობის შესახებ“ კანონის დარღვევის გამო დაჯარიმდა

© photo: Sputnik / Stringer„რუსთავი2“-ის მიკროფონი
„რუსთავი2“-ის მიკროფონი - Sputnik საქართველო, 1920, 06.10.2022
გამოწერა
დაჯარიმების საფუძველი არასრულწლოვნებისთვის შეუფერებელი პროგრამის არსებული წესების დარღვევით განთავსება გახდა.
თბილისი, 6 ოქტომბერი – Sputnik. საქართველოს კომუნიკაციების ეროვნულმა კომისიამ ტელეკომპანია „რუსთავი2“ „მაუწყებლობის შესახებ“ კანონის დარღვევის გამო 2500 ლარით დააჯარიმა, ნათქვამია კომისიის განცხადებაში.
დაჯარიმების საფუძველი სამაუწყებლო ბადეში არასრულწლოვნებისთვის შეუფერებელი პროგრამის შეუსაბამო დროს და ასაკობრივი ნიშანდების წესების დარღვევით განთავსება გახდა.
კომუნიკაციების კომისიამ მაუწყებელს ასევე „ბავშვის უფლებათა კოდექსის“ დაცვა და სერიალი „ფარული ვნების“ ეთერში კანონის მოთხოვნების შესაბამისად განთავსება დაავალა.
„რუსთავი 2“-ის მიერ კანონმდებლობის სავარაუდო დარღვევასთან დაკავშირებით კომუნიკაციების კომისიას მოქალაქეებმა გიგა გუდაძემ და ბესარიონ წულაიამ მიმართეს.
კომუნიკაციების კომისიის მონიტორინგის შედეგად დადასტურდა, რომ სერიალ „ფარულ ვნებას“ მაუწყებლის მიერ მინიჭებული ჰქონდა არასათანადო კატეგორია, რომელიც, კანონის შესაბამისად, სამაუწყებლო ბადეში 00:00 საათიდან უნდა განთავსდეს.
ყველა ახალი ამბავი
0