კახეთში გაიმართება ფესტივალი „ფიროსმანია სიღნაღში"

© courtesy of Miho Neiman სიღნაღი
სიღნაღი - Sputnik საქართველო, 1920, 05.10.2022
გამოწერა
ფესტივალის ფარგლებში სიღნაღში ფიროსმანის მონუმენტი გაიხსნება.
თბილისი, 5 ოქტომბერი — Sputnik. დიდი ქართველი მხატვრის ნიკო ფიროსმანის (ფიროსმანაშვილი) პატივსაცემად სიღნაღში 8 ოქტომბერს დღესასწაული „ფიროსმანია" გაიმართება.
ფესტივალის ფარგლებში ბულვარზე ფიროსმანის მონუმენტი გაიხსნება, ხოლო ორგანიზატორები სიღნაღის მუზეუმში ახალგაზრდა მხატვრების გამოფენას მოაწყობენ.
ფესტივალის შემოქმედებითი ნაწილი 12:00 საათზე დაიწყება, სადაც სტუმრები ნიკო ფიროსმანის შემოქმედებაზე დაფუძნებულ შემეცნებით, შემოქმედებით აქტივობებს ნახავენ: გიგანტური გასაფერადებლები, თავისუფალი ხატვა მოლბერტებზე, ფიროსმანის გაცოცხლებული პერსონაჟები და სხვ.
ასევე სტუმრები მოისმენენ საინტერესო ლექციას – მწერალი დავით ტურაშვილი ხელოვნებაზე ისაუბრებს.
საღამო კონცერტით დასრულდება.
ნიკო ფიროსმანი (1862-1918) XX საუკუნის უდიდესი ქართველი მხატვარია. იგი სიღარიბეში ცხოვრობდა და სიღარიბეშივე გარდაიცვალა. გარდაცვალების შემდეგ კი მსოფლიომ აღიარა როგორც უდიდესი მხატვარი. მხატვრის სურათების უმრავლესობა, 146 ტილო დაცულია თბილისში, საქართველოს ხელოვნების სახელმწიფო მუზეუმში.
ეწვიეთ „Sputnik საქართველოს“ Telegram-არხს
ყველა ახალი ამბავი
0