https://sputnik-georgia.com/20221004/the-sun-irani-axali-msxverpli-271028371.html
The Sun: ირანის მორალის პოლიციამ 16 და 17 წლის გოგონები დახოცა
The Sun: ირანის მორალის პოლიციამ 16 და 17 წლის გოგონები დახოცა
Sputnik საქართველო
თბილისი, 4 სექტემბერი − Sputnik. ირანის ზნეობისა და მორალის პოლიციამ კიდევ ორი გოგონა მოკლა, რომლებიც ქვეყანაში მიმდინარე საპროტესტო აქციებში მონაწილეობდნენ... 04.10.2022-ს, Sputnik საქართველო
2022-10-04T17:49+0400
2022-10-04T17:49+0400
2023-07-20T15:47+0400
მსოფლიო დღეს
ირანი
საპროტესტო აქციები ირანში
მსოფლიოს ახალი ამბები
https://cdnn1.img.sputnik-georgia.com/img/07e6/09/16/270693918_0:160:3072:1888_1920x0_80_0_0_e71bbb028d7544360f0d60381d6d470c.jpg
თბილისი, 4 სექტემბერი − Sputnik. ირანის ზნეობისა და მორალის პოლიციამ კიდევ ორი გოგონა მოკლა, რომლებიც ქვეყანაში მიმდინარე საპროტესტო აქციებში მონაწილეობდნენ, იუწყება გამოცემა The Sun.Amnesty International-ის ინფორმაციით, საუბარია 16 წლის ვლოგერ სარინა ესმაილზადესა და 17 წლის ნიკა შაკარამიზე. ორივე გოგონას თავის არეში მძიმე დაზიანებები აღენიშნებოდა.როგორც უფლებადამცველი ორგანიზაცია წერს, ესმაილზადეს ცხედარი, რომელსაც აშკარად აღენიშნებოდა თავში ხელჯოხით მიყენებული ჭრილობები, მხოლოდ ათი დღის შემდეგ გადასცეს ოჯახს. მშობლები მთელი ამ ხნის განმავლობაში უშედეგოდ ეძებდნენ შვილს.რაც შეეხება ნიკა შაკარამის, ის 20 სექტემბერს გაუჩინარდა უგზო-უკვლოდ. ოჯახის წევრებმა ის ბოლოს იმ მომენტში ნახეს, როდესაც გოგონა ბოთლითა და პირსახოცით ხელში გადიოდა სახლიდან, რაც საპროტესტო დემონსტრაციაზე ცრემლსადენი გაზისგან თავდასაცავად სჭირდებოდა.როგორც ირკვევა, სულ ბოლოს ნიკამ მეგობარს დაურეკა და უთხრა, რომ პოლიცია მისდევდა. იმავე ღამით მისი Telegram- და ინსტაგრამ-აკაუნტები წაიშალა, ხოლო ტელეფონი გამოირთო.მას შემდეგ გოგონას მთელი ოჯახი და სანათესავო ეძებდა როგორც ციხეებში, ისე საავადმყოფოებსა და პროზექტურებში. საბოლოოდ მის ცხედარს ერთ-ერთ პროზექტურაში მიაკვლიეს.ნიკას თავის ქალა და სახის ძვლები ჰქონდა ჩანტვრეული, თუმცა გარდაცვალების შესახებ ოფიციალურ დასკვნაში ეწერა, რომ გოგონა სიმაღლიდან ჩამოვარდა და ამის შედეგად დაიღუპა. ოჯახს ოფიციალური ვერსიისა არ სჯერა, მით უმეტეს, რომ ფოტოზე, რომელიც მათ აჩვენეს, ნიკა ტროტუარზე წევს, გვერდით კი ისე აკურატულად უწყვია წყლიანი ბოთლი და ტელეფონი, თითქოს ვიღაცამ სპეციალურად დაულაგა ასე.ირანში საპროტესტო აქციებმა მას შემდეგ იფეთქა, რაც ზნეობისა და მორალის პოლიციის მიერ ჰიჯაბის არასწორად ტარების გამო დაკავებული 22 წლის მაჰსა ამინი გარდაიცვალა. უფლებადამცველების განცხადებით, ამინი პოლიციელებმა სასტიკად სცემეს, რის გამოც დაიღუპა კიდეც ახალგაზრდა ქალი. როგორც ორგანიზაცია Iran Human Rights აცხადებს, ამ დროისათვის ძალოვანებთან შეტაკებებში დაღუპულია მინიმუმ 133 ადამიანი. აქედან 92 კაცი – მაჰსა ამინის გარდაცვალებასთან დაკავშირებული აქციებისას, ხოლო კიდევ 41 ქალაქ ზაჰედანში მოწყობილ „სისხლიან პარასკევს“ შეეწირა. იქ მოსახლეობა მიტინგებზე მეზობელი ქალაქი ჩეჰბეჰარის პოლიციის შეფის მიერ 15 წლის გოგონას გაუპატიურების გამო გავიდა, პოლიციამ კი მათ ცეცხლი გაუხსნა.
ირანი
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ირანი , საპროტესტო აქციები ირანში, მსოფლიოს ახალი ამბები
ირანი , საპროტესტო აქციები ირანში, მსოფლიოს ახალი ამბები
თბილისი, 4 სექტემბერი − Sputnik. ირანის ზნეობისა და მორალის პოლიციამ კიდევ ორი გოგონა მოკლა, რომლებიც ქვეყანაში მიმდინარე საპროტესტო აქციებში მონაწილეობდნენ, იუწყება გამოცემა The Sun.
Amnesty International-ის ინფორმაციით, საუბარია 16 წლის ვლოგერ სარინა ესმაილზადესა და 17 წლის ნიკა შაკარამიზე. ორივე გოგონას თავის არეში მძიმე დაზიანებები აღენიშნებოდა.
როგორც უფლებადამცველი ორგანიზაცია წერს, ესმაილზადეს ცხედარი, რომელსაც აშკარად აღენიშნებოდა თავში ხელჯოხით მიყენებული ჭრილობები, მხოლოდ ათი დღის შემდეგ გადასცეს ოჯახს. მშობლები მთელი ამ ხნის განმავლობაში უშედეგოდ ეძებდნენ შვილს.
რაც შეეხება ნიკა შაკარამის, ის 20 სექტემბერს გაუჩინარდა უგზო-უკვლოდ. ოჯახის წევრებმა ის ბოლოს იმ მომენტში ნახეს, როდესაც გოგონა ბოთლითა და პირსახოცით ხელში გადიოდა სახლიდან, რაც საპროტესტო დემონსტრაციაზე ცრემლსადენი გაზისგან თავდასაცავად სჭირდებოდა.
როგორც ირკვევა, სულ ბოლოს ნიკამ მეგობარს დაურეკა და უთხრა, რომ პოლიცია მისდევდა. იმავე ღამით მისი Telegram- და ინსტაგრამ-აკაუნტები წაიშალა, ხოლო ტელეფონი გამოირთო.
მას შემდეგ გოგონას მთელი ოჯახი და სანათესავო ეძებდა როგორც ციხეებში, ისე საავადმყოფოებსა და პროზექტურებში. საბოლოოდ მის ცხედარს ერთ-ერთ პროზექტურაში მიაკვლიეს.
ნიკას თავის ქალა და სახის ძვლები ჰქონდა ჩანტვრეული, თუმცა გარდაცვალების შესახებ ოფიციალურ დასკვნაში ეწერა, რომ გოგონა სიმაღლიდან ჩამოვარდა და ამის შედეგად დაიღუპა. ოჯახს ოფიციალური ვერსიისა არ სჯერა, მით უმეტეს, რომ ფოტოზე, რომელიც მათ აჩვენეს, ნიკა ტროტუარზე წევს, გვერდით კი ისე აკურატულად უწყვია წყლიანი ბოთლი და ტელეფონი, თითქოს ვიღაცამ სპეციალურად დაულაგა ასე.
ირანში საპროტესტო აქციებმა მას შემდეგ იფეთქა, რაც ზნეობისა და მორალის პოლიციის მიერ ჰიჯაბის არასწორად ტარების გამო დაკავებული 22 წლის მაჰსა ამინი გარდაიცვალა. უფლებადამცველების განცხადებით, ამინი პოლიციელებმა სასტიკად სცემეს, რის გამოც დაიღუპა კიდეც ახალგაზრდა ქალი. როგორც ორგანიზაცია Iran Human Rights აცხადებს, ამ დროისათვის ძალოვანებთან შეტაკებებში დაღუპულია მინიმუმ 133 ადამიანი. აქედან 92 კაცი – მაჰსა ამინის გარდაცვალებასთან დაკავშირებული აქციებისას, ხოლო კიდევ 41 ქალაქ ზაჰედანში მოწყობილ „სისხლიან პარასკევს“ შეეწირა. იქ მოსახლეობა მიტინგებზე მეზობელი ქალაქი ჩეჰბეჰარის პოლიციის შეფის მიერ 15 წლის გოგონას გაუპატიურების გამო გავიდა, პოლიციამ კი მათ ცეცხლი გაუხსნა.
