საქართველოში მძღოლებს ალკოტესტზე უარის გამო დააჯარიმებენ

© photo: Sputnik / Stringerსაპატრულო პოლიცია
საპატრულო პოლიცია - Sputnik საქართველო, 1920, 24.09.2022
გამოწერა
НовостиTelegram
არაფხიზელ მდგომარეობაში ავტომობილის მართვის გამო ჯარიმა იზრდება
თბილისი, 24 სექტემბერი - Sputnik. საქართველოს პარლამენტის კომიტეტებმა დაიწყეს ადმინისტრაციული სამართალდარღვევათა კოდექსში შესატანი ცვლილებების განხილვა, რაც გულისხმობს სასჯელის გამკაცრებას ალკოჰოლური სიმთვრალისას ავტომანქანის მართვის გამო.
ცვლილებები ითვალისწინებს 3 ათას ლარიან ჯარიმას ან 10-დან 15 დღემდე ვადით ადმინისტრაციულ პატიმრობას იმ მძღოლებისთვის, რომლებიც უარს ამბობენ ალკოტესტის გავლაზე.
გარდა ამისა, ცვლილებების თანახმად, ნასვამ მდგომარეობაში მართვისთვის 2 ათას ლარიანი ჯარიმა დაეკისრება იმ მძღოლებს, რომლებსაც უკვე ჩამერთვათ მართვის უფლება ნასვამ მდგომარეობაში მართვის გამო, მაგრამ მაინც მართავდნენ ავტოსატრანსპორტო საშუალებას ნასვამ მდგომარეობაში.
გარდა ამისა, 2 ათასი ლარის ჯარიმა და მართვის მოწმობის ჩამორთმევა ელოდება არაფხიზელ მდგომარეობაში მყოფ მძღოლს, თუ მის მიერ ავტომობილის მართვამ გამოიწვია პირის, ტვირთის, გზის, საგზაო ინფრასტრუქტურის, შენობის ან ქონების უმნიშვნელო ზიანი.
ამავდროულად, კანონში გაჩნდება დათქმა, რომ ალკოჰოლზე განმეორებითი ტესტირებისას, რომელიც მძღოლს შეუძლია მოითხოვოს შემოწმებიდან ორი საათის განმავლობაში, უნდა იყოს გათვალისწინებული, რომ სისხლში ალკოჰოლის კონცენტრაცია ერთ საათში 0,15 პრომილეთი მცირდება.
ყველა ახალი ამბავი
0