მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ყაზახეთი რუსეთის მოქალაქეებს ქვეყნის ტერიტორიაზე შესვლას არ აუკრძალავს

© photo: Sputnik / Vitaliy Belousov / გადასვლა მედიაბანკში
  - Sputnik საქართველო, 1920, 22.09.2022
გამოწერა
НовостиTelegram
თბილისი, 22 სექტემბერი − Sputnik. ყაზახეთს არ შეუძლია ქვეყნის ტერიტორიაზე შესვლა შეუზღუდოს რუსეთის მოქალაქეებს, განაცხადა ყაზახეთის სენატის სპიკერმა მაულენ აშიმბაევმა.
რუსეთში ნაწილობრივი მობილიზაციის გამოცხადების შემდეგ სოციალური ქსელებითა და მედიასაშუალებებით გავრცელდა ინფორმაცია, რომ ქვეყნიდან სხვა სახელმწიფოებისკენ მიგრაციული ნაკადები გაიზარდა, მათ შორის, ყაზახეთის მიმართულებითაც.

„თუ რუსეთის მოქალაქეებს ჩვენთან რაღაც საქმეებზე ჩამოსვლა, გარკვეული ხნით დარჩენა და მერე წასვლა სურთ, ამაში არანაირი კითხვა არ უნდა ჩნდებოდეს. ჩვენ მათ ვერ შევზღუდავთ“, − უთხრა აშიმბაევმა ჟურნალისტებს.

ამასთან, სპიკერმა აღნიშნა, რომ ქვეყნის ტერიტორიაზე ბინადრობის უფლების მისაღებად განმცხადებელს შესაბამისი დოკუმენტაცია უნდა გააჩნდეს.
„თუ რომელიმე მოქალაქე ყაზახეთის სახელმწიფო ორგანოებს მიმართავს და ბინადრობის უფლებას მოითხოვს, არსებობს დოკუმენტების ჩამონათვალი, რომლებიც უნდა მოამზადოს. ამ დოკუმენტებს შორისაა პუნქტი, რომელიც იმ სახელმწიფოს თანხმობას ითვალისწინებს, საიდანაც ჩამოდის ადამიანი“, − აღნიშნა აშიმბაევმა.
მისი განმარტებით, თუ სახელმწიფო ადამიანს მისი ტერიტორიიდან გასვლის უფლებას არ მისცემს, მაგრამ ის რაღაც გზებით მაინც მოახერხებს ქვეყნის დატოვებას, ყაზახეთი ასეთ პირს ბინადრობის უფლებას ვერ მისცემს.
ყველა ახალი ამბავი
0