სუმო: ტოჩინოშინის მე-8 მარცხი - ქართველი სუმოისტი უარყოფით ბალანსს ვეღარ გადაურჩება

© AFP 2024 / BRENDAN SMIALOWSKIლევან გორგაძე
ლევან გორგაძე - Sputnik საქართველო, 1920, 22.09.2022
გამოწერა
მიმდინარე სუპერტურნირზე ლევან გორგაძემ ოთხჯერ გაიმარჯვა, ხოლო 8 ორთაბრძოლა დათმო. ქართველი სუმოისტი ხვალ მისთვის ნაცნობ მეტოქეს, ოკინოუმის გაეჯიბრება.
თბილისი, 22 სექტემბერი – Sputnik. იაპონიის დედაქალაქ ტოკიოში მიმდინარე სუპერტურნირზე ქართველი სუმოისტი ლევან გორგაძე, იგივე ტოჩინოშინი მერვედ დამარცხდა და ამით უარყოფითი ბალანსი გაინაღდა.
34 წლის ტოჩინოშინი, რომელიც აკი ბაშოზე აღმოსავლეთის მე-8 მაეგაშირას წოდებით ასპარეზობს, სუპერტურნირის მე-12 დღეს იაპონელ ჰიდაროუმის დაუპირისპირდა და იორიკირის ილეთით დამარცხდა.
ქართველმა სუმოისტმა ორთაბრძოლა აქტიურად დაიწყო და გამარჯვებასთან ახლოსაც იყო, თუმცა 22 წლის იაპონელმა საპასუხო იერიში განახორციელა და ტოჩინოშინი დოჰიოს მიღმა აღმოჩნდა.
მიმდინარე სუპერტურნირზე ლევან გორგაძის ანგარიშზე 4 გამარჯვება და 8 მარცხია. მიუხედავად უკვე დაფიქსირებული უარყოფითი ბალანსისა, ქართველმა სუმოისტმა დარჩენილი 3 შეხვედრის გამარჯვებაზე უნდა იფიქროს, რათა წოდებაში ნაკლებად დაქვეითდეს.
ლევან გორგაძის მომდევნო მოწინააღმდეგე აღმოსავლეთის მე-12 მაეგაშირა ოკინოუმი იქნება, რომელთანაც ქართველ სუმოისტს ურთიერთშეხვედრების დიდი ისტორია აქვს. ქართველმა ოკინოუმისთან 11-ჯერ იმარჯვა, ხოლო 10-ჯერ დამარცხდა.
ეწვიეთ „Sputnik საქართველოს“ Telegram-არხს
ყველა ახალი ამბავი
0