შემოსავლების სამსახური: საბაჟო-გამშვები პუნქტი „ყაზბეგი“ შეუფერხებლად მუშაობს

© photo: Sputnik / Stringerსაკონტროლო-გამშვები პუნქტი „ყაზბეგი“
საკონტროლო-გამშვები პუნქტი „ყაზბეგი“  - Sputnik საქართველო, 1920, 22.09.2022
გამოწერა
НовостиTelegram
ფინანსთა სამინისტროს შემოსავლების სამსახური მოუწოდებს მედიასაშუალებებს, თავი შეიკავონ მცდარი და გადაუმოწმებელი ინფორმაციის გავრცელებისგან.
თბილისი, 22 სექტემბერი — Sputnik. საქართველო-რუსეთის საზღვარზე მდებარე საბაჟო-გამშვები პუნქტი „ყაზბეგი“ სრული დატვირთვით, შეუფერხებლად მუშაობს, იუწყება საქართველოს ფინანსთა სამინისტროს შემოსავლების სამსახური.
დღეისათვის საქართველოსა და რუსეთის საზღვარზე მოქმედებს ერთადერთი საკონტროლო-გამშვები პუნქტი – „ყაზბეგი“–„ზემო ლარსი“.

„საქართველოს საბაჟო ტერიტორიაზე საქონლის შემოტანა/გატანა, ავტოსატრანსპორტო საშუალებების მიმოსვლა, აგრეთვე სახელმწიფო საზღვრის გადამკვეთ პირთა მიმართ საბაჟო კონტროლის პროცედურების განხორციელება სრული დატვირთვით, 24-საათიან რეჟიმში, შეუფერხებლად მიმდინარეობს“, – ნათქვამია განცხადებაში.

როგორც უწყებაში აღნიშნეს, ბოლო ათი დღის მონაცემებით, საქართველოს სახელმწიფო საზღვრის კვეთისას შემოსულ და გასულ პირებს შორის მკვეთრი სხვაობა/მატება არ აღინიშნება.
ფინანსთა სამინისტროს შემოსავლების სამსახური მოუწოდებს მედიასაშუალებებს, თავი შეიკავონ მცდარი და გადაუმოწმებელი ინფორმაციის გავრცელებისგან. მედიასაშუალებები იტყობინებიან, რომ 21 სექტემბრის საღამოდან საქართველო-რუსეთის საზღვარზე „საცობები“ შეიქმნა.
გზა „ზემო ლარსის“ გავლით არის ერთადერთი მოქმედი სახმელეთო მარშრუტი სომხეთიდან რუსეთში. მაისის დასაწყისიდან იქ ხშირია დიდი „საცობები“ იმის გამო, რომ შავ ზღვაზე ტვირთების გადაზიდვა გართულდა და ტვირთების ნაწილი (მათ შორის თურქულის) რუსეთში სახმელეთო გზით იგზავნება.
ყველა ახალი ამბავი
0