რუსეთის მოქალაქეს 10 წლით პატიმრობა შეეფარდა

© photo: Sputnik / Stringer / გადასვლა მედიაბანკშიხელბორკილი
ხელბორკილი - Sputnik საქართველო, 1920, 22.09.2022
გამოწერა
НовостиTelegram
სასამართლომ მსჯავრდებულის თბილისში არსებული ბინის, სამი ავტოფარეხის, ავტომანქანების კონფისკაციის გადაწყვეტილება მიიღო.
თბილისი, 22 სექტემბერი – Sputnik. თბილისის საქალაქო სასამართლომ რუსეთის მოქალაქე გადასახადებისგან თავის არიდებაში, ფულის გათეთრებასა და თაღლითობაში დამნაშავედ ცნო და 10 წლით თავისუფლების აღკვეთა შეუფარდა, ამასთან დამატებითი სასჯელის სახით მას 200 ათასი ლარის ოდენობით ჯარიმის გადახდა დაეკისრა.
სასამართლო პროცესზე პროკურატურის მიერ წარდგენილი მტკიცებულებებით დადასტურდა, რომ ბრალდებულმა დაარეგისტრირა ვებ-გვერდი, სადაც ადამიანებს სთავაზობდნენ სხვადასხვა ქვეყნის ბინადრობის, მოქალაქეობისა და მართვის მოწმობების აღებაში დახმარებას. აღნიშნული სქემით მან 250 ათასი დოლარი მიისაკუთრა, რის შემდეგაც თანხა ბანკის მეშვეობით ფიქტიური საბანკო ტრანზაქციებით გაათეთრა.
სასამართლო პროცესზე ასევე დადგინდა, რომ რუსეთის მოქალაქემ დაარღვია საქართველოს კანონმდებლობა და არ გადაიხადა 380 ათასი ლარის ოდენობის გადასახადი.
გარდა სასჯელის ვადისა, სასამართლომ მსჯავრდებულის თბილისში არსებული ბინის, სამი ავტოფარეხის, ავტომანქანების SUBARU FORESTER და CADILLAC ESCALADE და 77 ათასი ლარის კონფისკაციის გადაწყვეტილება მიიღო.
ამასთან, სასამართლომ მსჯავრდებულის მიერ დაფუძნებული ორი კომპანიის საქმიანობა შეაჩერა და თითოეული 200 ათასი ლარით დააჯარიმა.
ყველა ახალი ამბავი
0