„ეს ბლეფი არ არის“: პუტინმა დასავლეთის ქვეყნები გააფრთხილა

  - Sputnik საქართველო, 1920, 21.09.2022
გამოწერა
НовостиTelegram
თბილისი, 21 სექტემბერი − Sputnik. ქვეყნის ტერიტორიული მთლიანობისთვის საფრთხის შემთხვევაში გამოყენებული იქნება თავდაცვის ყველა შესაძლო საშუალება, განაცხადა რუსეთის პრეზიდენტმა ვლადიმირ პუტინმა მოსახლეობისადმი ვიდეომიმართვისას.
მისი თქმით, ეს განცხადება „ბლეფი არ არის“.

„მათ, ვინც რუსეთის დაშანტაჟებას ცდილობს ბირთვული იარაღით, უნდა იცოდნენ, რომ „ქარის ვარდი“* შეიძლება მათკენ შებრუნდეს“, − განაცხადა პუტინმა.

ამასთან, ის ქვეყნის მოსახლეობას დაჰპირდა, რომ მათი სამშობლოს „ტერიტორიული მთლიანობა, დამოუკიდებლობა და თავისუფლება“ უზრუნველყოფილი იქნება.
პუტინმა ვიდეომიმართვაში ახსენა „ნატოს ქვეყნების მაღალი რანგის წარმომადგენლების განცხადებები რუსეთის წინააღმდეგ მასობრივი განადგურების იარაღის გამოყენების შესაძლებლობისა და დასაშვებობის შესახებ“.
„მათ, ვინც საკუთარ თავს უფლებას აძლევს, მსგავსი განცხადებები გააკეთოს რუსეთზე, მინდა შევახსენო, რომ ჩვენს ქვეყანას სხვადასხვა სახის გამანადგურებელი საშუალებები აქვს − ცალკეულ კომპონენტებში უფრო თანამედროვეც კი, ვიდრე ნატოს ქვეყნებს გააჩნიათ“, − თქვა მან.
მანამდე, დღეიდან, 21 სექტემბრიდან ვლადიმირ პუტინმა რუსეთში ნაწილობრივი მობილიზაცია გამოაცხადა. მისი თქმით, გაწვევას მხოლოდ რეზერვში მყოფი და სამხედრო სამსახურგავლილი მოქალაქეები დაექვემდებარებიან.
*„ქარის ვარდი“ - ჰაერის მასების გადანაცვლება ერთი მიმართულებით, რაც ჰორიზონტის მხარეებს შეესაბამება.
ყველა ახალი ამბავი
0