თავდასხმა „საქართველოს ბანკზე“: შსს-მ სპეცოპერაციის შესახებ დეტალები გაავრცელა

© photo: Sputnik / Stringerთავდასხმა „საქართველოს ბანკზე“
თავდასხმა „საქართველოს ბანკზე“ - Sputnik საქართველო, 1920, 20.09.2022
გამოწერა
НовостиTelegram
მედიის ინფორმაციით, გრიგოლ ნარსია შსს-ს დაცვის პოლიციის დეპარტამენტის ყოფილი თანამშრომელია
თბილისი, 20 სექტემბერი — Sputnik. ქუთაისში „საქართველოს ბანკის“ ფილიალზე თავდამსხმელი 1985 წელს დაბადებული გრიგოლ ნარსიაა და მას ბანკის შენობაში 14 მძევალი ჰყავდა აყვანილი, ნათქვამია შსს-ს პრესსამსახურის განცხადებაში.
შინაგან საქმეთა სამინისტრომ ნარსია ქუთაისში „საქართველოს ბანკის” ერთ-ერთ ფილიალზე თავდასხმის, ტერორისტული აქტის, ტერორისტული მიზნით მძევლად ხელში ჩაგდების და საბრძოლო მასალის მართლსაწინააღმდეგო შეძენა-შენახვა-ტარების ბრალდებით დააკავა.
ოპერატიულ-საგამოძიებო მოქმედებებით დადგინდა, რომ შეიარაღებული პირი ქუთაისში, შოთა რუსთაველის გამზირზე მდებარე „საქართველოს ბანკის" ფილიალში შეიჭრა და დიდი ოდენობით თანხის დაუფლების მიზნით 14 პირი მძევლად აიყვანა, ნათქვამია უწყების განცხადებაში.
შინაგან საქმეთა სამინისტრომ მძევლად აყვანილი ყველა ადამიანი ეტაპობრივად გაათავისუფლა, რის შემდეგაც სამართალდამცველებმა თავდამსხმელი ბრალდებულის სახით ადგილზე დააკავეს. მომხდარის შედეგად არავინ დაშავებულა.
მომხდარ ფაქტზე გამოძიება საქართველოს სისხლის სამართლის კოდექსის 236-ე (ცეცხლსასროლი იარაღის მართლსაწინააღმდეგო შეძენა-შენახვა-ტარება), 323-ე (ტერორისტული აქტი) და 329-ე (მძევლად ხელში ჩაგდება ტერორისტული მიზნით) მუხლებით მიმდინარეობს.
წყარო - შსს
ყველა ახალი ამბავი
0