შსს-მ ბანკზე თავდამსხმელის დაკავება დაადასტურა, სპეცოპერაციის შედეგად არავინ დაშავებულა

© photo: Sputnik / Alexander Imedashviliსაპატრულო პოლიცია
საპატრულო პოლიცია - Sputnik საქართველო, 1920, 20.09.2022
გამოწერა
НовостиTelegram
ოფიციალურმა ორგანოებმა დაადასტურეს, რომ ქუთაისში სპეცოპერაცია წარმატებით დასრულდა.
თბილისი, 20 სექტემბერი — Sputnik. სპეცოპერაცია ქუთაისში, სადაც უცნობმა პირმა „საქართველოს ბანკის“ ფილიალში მძევლები აიყვანა, დასრულებულია, დამნაშავე აყვანილია, განუცხადა ჟურნალისტებს შინაგან საქმეთა სამინისტროს სტრატეგიული კომუნიკაციების დეპარტამენტის დირექტორმა ქეთი კოვზიაშვილმა.

„სპეცოპერაცია დასრულდა, ერთი პირი დაკავებულია“, – განაცხადა კოვზიაშვილმა, მაგრამ ჟურნალისტების დამატებით კითხვებს არ უპასუხა.

შეიარაღებული და ნიღბიანი პირი ბანკში 11:30 საათზე შეიჭრა. ბოროტმოქმედს 12 პირი ჰყავდა მძევლად აყვანილი.
თავდამსხმელის მოთხოვნები ერთ-ერთმა მძევალმა სოციალურ ქსელში პირდაპირი ჩართვისას გაახმოვანა. თავიდან მოთხოვნილი იყო 2 მლნ დოლარი, შემდეგ თავდამსხმელმა შეცვალა მოთხოვნა და 1,5 მლნ დოლარი მოითხოვა. ასევე ის ითხოვდა ვერტმფრენს, რაციას და რუსეთის დროშას.
მოთხოვნები შერბილდა: „საქართველოს ბანკზე“ თავდამსხმელი 1,5 მილიონ დოლარზეა თანახმა >>
ადგილზე მთელი დღის განმავლობაში მობილიზებული იყვნენ სპეცსამსახურები და ტექნიკა. თავდამსხმელთან მოლაპარაკებები მძევლების შუამავლობით მიმდინარეობდა. გარდა ამისა, ბოროტმოქმედი მძევლებს სოციალურ ქსელებში პერიოდულად პირდაპირი ეთერის ჩართვას აიძულებდა.
მძევლების გათავისუფლების ოპერაცია 9 საათს გაგრძელდა. სპეცოპერაციის მსვლელობას შინაგან საქმეთა მინისტრი ვახტანგ გომელაური აკვირდებოდა, რომელიც ქუთაისში დღის მეორე ნახევარში ვერტმფრენით ჩაფრინდა.
მომხდარ ფაქტზე გამოძიება საქართველოს სისხლის სამართლის კოდექსის 144-ე (მძევლად ხელში ჩაგდება), 236-ე (ცეცხლსასროლი იარაღის მართლსაწინააღმდეგო შეძენა-შენახვა-ტარება), 323-ე (ტერორისტული აქტი) და 329-ე (მძევლად ხელში ჩაგდება ტერორისტული მიზნით) მუხლებით მიმდინარეობს.
ყველა ახალი ამბავი
0