„საქართველოს ბანკზე“ თავდასხმა: ადგილზე ვითარება დაძაბულია

© photo: Sputnik / Stringerმძევლების გათავისუფლება - სპეცოპერაცია ქუთაისში
მძევლების გათავისუფლება - სპეცოპერაცია ქუთაისში - Sputnik საქართველო, 1920, 20.09.2022
გამოწერა
НовостиTelegram
შეიარაღებული და ნიღბიანი პირი „საქართველოს ბანკში“ დღეს, 11:30 საათზე შეიჭრა.
თბილისი, 20 სექტემბერი — Sputnik. ქუთაისში „საქართველოს ბანკის“ ერთ-ერთ ფილიალში, სადაც შეიარაღებულ პირს ბანკის თანამშრომლები და მომხმარებლები მძევლად ჰყავს აყვანილი, ვითარება დაძაბულია.
მძევლების თქმით, რომლებიც სოციალურ ქსელში ერთვებიან, თავდამსხმელი აგრესიული გახდა. ერთ-ერთმა მძევალმა ქალმა შენობის ფანჯრიდან სამართალდამცველებს მოუწოდა: „გთხოვთ, წადით აქედან, როცა თქვენ გხედავთ, ჩვენ ცუდად გვექცევა“.
თავდამსხმელი პოლიციასთან მოლაპარაკებებს მძევლების შუამავლობით აწარმოებს. თავად ბოროტმოქმედი უარს აცხადებს ფანჯარასთან ან კართან მიახლოებაზე და უფანჯრებო ოთახში იმყოფება.
მძევლებიდან ერთ ქალს გული გაუხდა ცუდად და მძევლებმა მისთვის მედიკამენტები მოითხოვეს.
ძალოვანებმა თავდამსხმელს მძევლების სანაცვლოდ თანხა შესთავაზეს. სოციალურ ქსელში გავრცელებულ ერთ-ერთ ბოლო ვიდეოში მან ყველა მოთხოვნაზე უარი განაცხადა, გარდა ფულისა.
ბანკის ფილიალის ტერიტორიიდან ვიდეოში ჩანს, რომ თავდამსხმელს შუახნის მამაკაცი ჰყავს ამოფარებული, რომელსაც ხელები სამშენებლო „ხამუტით“ აქვს შეკრული. თავად ფილიალში არეულობა ჩანს – იატაკზე ქაღალდები ყრია, დაღვრილია წყალი.
თავდამსხმელს მძევლების პოლიციის თანამშრომლებით ჩანაცვლება შესთავაზეს, რაზეც მან კატეგორიული უარი განაცხადა. მისი თქმით, იგი მძევლებს თანხის მიღების შემდეგ გაათავისუფლებს.
ყველა ახალი ამბავი
0