რამდენიმე მძევალი თავისუფალია - ბოლო ცნობები ქუთაისიდან

© photo: Sputnik / Stringer
  - Sputnik საქართველო, 1920, 20.09.2022
გამოწერა
НовостиTelegram
თბილისი, 20 სექტემბერი — Sputnik. ქუთაისში, „საქართველოს ბანკის" ერთ-ერთ ფილიალში მყოფი 12 მძევლიდან რამდენიმემ შენობა დატოვა, იუწყება ტელეკომპანია „ფორმულა".
აღნიშნული ინფორმაცია ოფიციალურ ძალოვან სტრუქტურებს ჯერ არ დაუდასტურებიათ.
შეიარაღებული და ნიღბიანი პირი ბანკში 11:30 საათზე შეიჭრა. შსს-ს ინფორმაციით, ბოროტმოქმედს 12 პირი ჰყავდა მძევლად აყვანილი.
თავდამსხმელის მოთხოვნები ერთ-ერთმა მძევალმა სოციალურ ქსელში პირდაპირი ჩართვისას გაახმოვანა. მოთხოვნილია 2 მლნ დოლარი, ვერტმფრენი, რაცია და რუსეთის დროშა. საკუთარი პირობების შესასრულებლად მან ხელისუფლებას კონკრეტული დრო – 3 საათი მისცა, რომელიც 15:30 საათზე ამოიწურა.
პოლიციამ თავდამსხმელს მძევლების შსს-ს უიარაღო თანამშრომლებით ჩანაცვლება შესთავაზა, რაზეც ბოროტმოქმედმა კატეგორიული უარი განაცხადა. მისი თქმით, იგი მძევლებს თანხის მიღების შემდეგ გაათავისუფლებს.
ყველა ახალი ამბავი
0