ხუთი ანტიდეპრესანტი: ტიბეტური ვარჯიშები შესანიშნავი განწყობისთვის

© Pixabay / sasintტიბეტელი მოზარდები
ტიბეტელი მოზარდები - Sputnik საქართველო, 1920, 19.09.2022
გამოწერა
НовостиTelegram
თბილისი, 19 სექტემბერი − Sputnik. ტიბეტელებს აქვთ დილის ვარჯიშების საოცარი კომპლექსი Do-In, რომელიც ადამიანს შესანიშნავ განწყობაზე აყენებს.
მთლიანობაში ეს კომპლექსი 25 ვარჯიშს მოიცავს, მაგრამ ჩვენი ცხოვრების რიტმიდან გამომდინარე, იმის გათვალისწინებით, რომ ყველა მათგანის გაკეთებას ბევრი დრო სჭირდება, მინი-კომპლექსით შეგვიძლია ვისარგებლოთ.
საუბარია მხოლოდ 5 ვარჯიშზე, რომლებიც მინიმალურ დროში კეთდება, მაგრამ მაქსიმალურ შედეგს იძლევა − მთელი დღის განმავლობაში უზრუნველყოფს კარგ განწყობას.
როგორც ამბობენ, სავარჯიშოების ამ ნაკრებმა ბევრი ადამიანის ცხოვრება შეცვალა უკეთესობისკენ. ასე რომ, ვფიქრობთ, ცდა ღირს.
ვარჯიში 1: საგულდაგულოდ დაიზილეთ ყურის ნიჟარები ჯერ ცერა და საჩვენებელი თითებით, შემდეგ კი ხელისგულებით. თითებითაც 10-20-ჯერ და ხელისგულებითაც 10-20-ჯერ.
ვარჯიში 2: გადაისვით თავზე ჯერ მარჯვენა, შემდეგ კი მარცხენა ხელისგული შუბლიდან კეფის მიმართულებითა და უკან − 10-15-ჯერ;
ვარჯიში 3: 15-20-ჯერ შეარულეთ ზემოთ-ქვემოთ ისეთი მოძრაობები, თითქოს გაშლილი ხელისგულებით პირს იბანთ. უნდა ეხებოდეთ ლოყებსა და საფეთქლებს.
ვარჯიში 4: დაჯექით, გადააჭდეთ თითები ერთმანეთს და ხელები კისერზე შემოიწყვეთ. შეეცადეთ თავი ისე გადასწიოთ უკან 15-20-ჯერ, თითქოს რაღაც წინაღობას ლახავთ. ვარჯიში სრულდება საშუალო ტემპში.
ვარჯიში 5: დაჯექით, ოდნავ გადაიხარეთ წინ და ორივე ხელისგულის ბორცვებით დაიზილეთ წელის არე ზემოთ–ქვემოთ მოძრაობებით. ოღონდ ისე, რომ მარჯვენა და მარცხენა ხელმა საწინააღმდეგო მიმართულებით იმოძრაონ. დაიწყეთ ვარჯიში ხერხემლიდან და ნელ-ნელა გადაინაცვლეთ გვერდებისკენ. გააკეთეთ 20-30 მოძრაობა ოდნავი ზეწოლით.
როგორც ტიბეტელი მკურნალები ამბობენ, ყველა ეს ვარჯიში ჩვენი ორგანიზმის იმ მნიშვნელოვან წერტილებს ააქტიურებს, რომლებიც ადამიანის გუნება-განწყობაზე აგებენ პასუხს.
მთავარია, არ დაგეზაროთ!
ყველა ახალი ამბავი
0