დიდი ბრიტანეთი დედოფალ ელისაბედ მეორეს დაემშვიდობა
22:23 19.09.2022 (განახლებულია: 15:55 20.07.2023)
© AFP 2024 / Ian Forsyth
გამოწერა
ელისაბედ II მამამისის, მეფე ჯორჯ VI-ის მემორიალურ სამლოცველოში, მისი მეუღლის, პრინც ფილიპის გვერდით დაკრძალეს
თბილისი, 19 სექტემბერი – Sputnik. დიდი ბრიტანეთის დედოფალ ელისაბედ II-ის დაკრძალვის ცერემონიის საჯარო ნაწილი ვესტმინსტერის სააბატოში დასრულდა. ტრანსლაციას ახორციელებდა ტელეარხი Sky News.
დედოფალ ელისაბედის კუბოს მიასვენებენ ლონდონში ვესტმინსტერ-ჰოლში
© AP Photo / Gregorio Borgia
თავდაპირველად კუბო დაასვენეს ვესტმინსტერის სააბატოში, სადაც დღის პირველ ნახევარში სამოქალაქო პანაშვიდი გაიმართა.
საეკლესიო მსახურების დასასრულს გამოცხადდა საერთო ეროვნული დუმილის წუთი, ის ორ წუთს გაგრძელდა. მსახურება აღასრულა ვესტმინსტერის სააბატოს დეკანმა ჯონ ჰოლმა.
კენტერბერის მთავარეპისკოპოსი ჯასტინ უელბი უძღვება მსახურებას დედოფალ ელისაბედ II-ის კუბოს მიღებას ვესტმინსტერ-ჰოლში
© AFP 2024 / Oli Scarff
დედოფლის სახელმწიფო დაკრძალვას სამეფო ოჯახის დიდი ნაწილი, სხვა ქვეყნების მონარქები, საზოგადო მოღვაწეები და მსოფლიო პოლიტიკოსები ესწრებოდნენ, მათ შორის აშშ-ის პრეზიდენტი ჯო ბაიდენი, საფრანგეთის პრეზიდენტი ემანუელ მაკრონი, გერმანიის პრეზიდენტი ვალტერ შტაინმაიერი და საქართველოს პრეზიდენტი სალომე ზურაბიშვილი.
ზურაბიშვილმა ლონდონში სამძიმრის წიგნში ჩანაწერი დატოვა
© press-service of the President of Georgia
საღამოს კუბო გადაასვენეს ვინძორის სასახლეში, სადაც გაიმართა დაკრძალვის კერძო ცერემონია, რომელსაც ესწრებოდა მეფე და სამეფო ოჯახის წევრები.
დიდი ბრიტანეთის მეფე კარლ III და პრინცი უილიამი მიყვებიან დედოფალ ელისაბედ II-ის კუბოს ბუკინგემის სასახლიდან ლონდონში ვესტმინსტერ-ჰოლში მსვლელობისას.
© AP Photo / Daniel Leal
ცნობილია, რომ ელისაბედ II მამამისის, მეფე ჯორჯ VI-ის მემორიალურ სამლოცველოში, თავისი მეუღლის, პრინც ფილიპის გვერდით დაკრძალეს. იქვეა დაკრძალული დედა-დედოფალი, ასევე ელისაბედ მეორის დის, პრინცესა მარგარეტის ნეშტი.
