ტოჩინოშინმა რამდენიმე წაგების შემდეგ პირველი გამარჯვება მოიპოვა - ვიდეო

© AFP 2022 / BEHROUZ MEHRIლევან გორგაძე
ლევან გორგაძე - Sputnik საქართველო, 1920, 17.09.2022
გამოწერა
НовостиTelegram
ქართველი სპორტსმენის ანგარიშზე სამი გამარჯვება და ოთხი მარცხია.
თბილისი, 17 სექტემბერი – Sputnik. იაპონიის დედაქალაქ ტოკიოში მიმდინარე სექტემბრის ბაშოზე ქართველმა სუმოისტმა ლევან გორგაძემ, იგივე ტოჩინოშინმა წარუმატებელი სერია შეწყვიტა.
მეშვიდე საშეჯიბრო დღეს ტოჩინოშინმა მეექვსე მაეგაშირა ვაკამოტოჰარუს სძლია.
ამგვარად, ქართველი სპორტსმენის ანგარიშზე სამი გამარჯვება და ოთხი მარცხია. ტოჩინოშინს კიდევ რვა ბრძოლა აქვს წინ.
გორგაძემ შემოდგომის ტურნირი აღმოსავლეთის მერვე მაეგაშირას რანგში დაიწყო. 34 წლის ტოჩინოშინმა წინა ბაშოზე პოზიციების გაუმჯობესება ვერ შეძლო, რადგან ზაფხულის ტურნირი უარყოფითი ბალანსით დაასრულა.
აკი ბაშო კოკუგიკანში 11-25 სექტემბერს იმართება.
ყველა ახალი ამბავი
0