https://sputnik-georgia.com/20220917/kaxetsi-70-atas-tonaze-meti-yurzenia-gadamusavebuli-270517382.html
კახეთში 70 ათას ტონაზე მეტი ყურძენია გადამუშავებული
კახეთში 70 ათას ტონაზე მეტი ყურძენია გადამუშავებული
Sputnik საქართველო
რეგიონში მოსავლის დაბინავების პროცესი შეფერხების გარეშე მიმდინარეობს 17.09.2022-ს, Sputnik საქართველო
2022-09-17T12:42+0400
2022-09-17T12:42+0400
2022-09-17T12:42+0400
ახალი ამბები
საქართველო
საქართველოს ეკონომიკა
საქართველოს სოფლის მეურნეობა
ქართული ღვინო
https://cdnn1.img.sputnik-georgia.com/img/07e5/09/15/259758702_0:0:3075:1730_1920x0_80_0_0_6f5d220144020c88458b7b8e53a95aff.jpg
თბილისი, 17 სექტემბერი — Sputnik. კახეთში ღვინის საწარმოებს ყურძენი 7 ათასმა მევენახემ ჩააბარა და მათი შემოსავალი 70 მლნ ლარს აღემატება, აღნიშნულია მთავრობის ადმინისტრაციის გვერდზე გავრცელებულ ინფორმაციაში.უწყების ცნობით, რეგიონში მოსავლის დაბინავება შეფერხების გარეშე მიმდინარეობს. 16 სექტემბრის მდგომარეობით, უკვე 70 ათას ტონაზე მეტი ყურძენია გადამუშავებული.რთველი აქტიურ ფაზაშია გურჯაანის, ყვარლის, დედოფლისწყაროსა და სიღნაღის მუნიციპალიტეტებში, ხოლო კახეთის რეგიონის დანარჩენი მუნიციპალიტეტები ყურძნის მოსავლის დაბინავების პროცესში ეტაპობრივად, ყურძნის საჭირო კონდიციაში შესვლისთანავე ჩაერთვებიან.რთველის საკოორდინაციო შტაბში ამ დროისათვის დარეგისტრირებულია 300-ზე მეტი ღვინის კომპანია და მარანი, რომლებიც ეტაპობრივად ერთვებიან ყურძნის მიღება-გადამუშავების პროცესში. ბოლო მონაცემებით, 140-მდე კომპანიამ უკვე გადაამუშავა სხვადასხვა მოცულობის ყურძენი.მევენახეობა-მეღვინეობის დარგის განვითარება მთავრობის ერთ-ერთი მთავარი პრიორიტეტია. აქედან გამომდინარე, ხელისუფლების გადაწყვეტილებით, სუბსიდირების პროგრამა წელსაც განხორციელდება.საწარმო, რომელიც ფერმერისგან შეისყიდის 100 ტონამდე „რქაწითელის" ან „კახური მწვანეს" ჯიშის ყურძენს და 1 კგ ყურძენში მევენახეს გადაუხდის არანაკლებ 90 თეთრს, მიიღებს სუბსიდიას 35 თეთრის ოდენობით.სუბსიდირების პროგრამის მხარდაჭერით მოსავლის რეალიზაციას 25 ათასამდე მევენახე-ფერმერი შეძლებს. წელს სახელმწიფოს ყურძნის სუბსიდირების პროგრამა დაახლოებით 150 მლნ ლარი დაუჯდება.2022 წელს ყურძნის მოსავლის საპროგნოზო მაჩვენებელი რეკორდულია და 300 ათას ტონას შეადგენს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს ეკონომიკა, საქართველოს სოფლის მეურნეობა, ქართული ღვინო
ახალი ამბები, საქართველო, საქართველოს ეკონომიკა, საქართველოს სოფლის მეურნეობა, ქართული ღვინო
კახეთში 70 ათას ტონაზე მეტი ყურძენია გადამუშავებული
რეგიონში მოსავლის დაბინავების პროცესი შეფერხების გარეშე მიმდინარეობს
თბილისი, 17 სექტემბერი — Sputnik. კახეთში ღვინის საწარმოებს ყურძენი 7 ათასმა მევენახემ ჩააბარა და მათი შემოსავალი 70 მლნ ლარს აღემატება, აღნიშნულია მთავრობის ადმინისტრაციის გვერდზე გავრცელებულ ინფორმაციაში.
უწყების ცნობით, რეგიონში მოსავლის დაბინავება შეფერხების გარეშე მიმდინარეობს. 16 სექტემბრის მდგომარეობით, უკვე 70 ათას ტონაზე მეტი ყურძენია გადამუშავებული.
რთველი აქტიურ ფაზაშია გურჯაანის, ყვარლის, დედოფლისწყაროსა და სიღნაღის მუნიციპალიტეტებში, ხოლო კახეთის რეგიონის დანარჩენი მუნიციპალიტეტები ყურძნის მოსავლის დაბინავების პროცესში ეტაპობრივად, ყურძნის საჭირო კონდიციაში შესვლისთანავე ჩაერთვებიან.
რთველის საკოორდინაციო შტაბში ამ დროისათვის დარეგისტრირებულია 300-ზე მეტი ღვინის კომპანია და მარანი, რომლებიც ეტაპობრივად ერთვებიან ყურძნის მიღება-გადამუშავების პროცესში. ბოლო მონაცემებით, 140-მდე კომპანიამ უკვე გადაამუშავა სხვადასხვა მოცულობის ყურძენი.
მევენახეობა-მეღვინეობის დარგის განვითარება მთავრობის ერთ-ერთი მთავარი პრიორიტეტია. აქედან გამომდინარე, ხელისუფლების გადაწყვეტილებით, სუბსიდირების პროგრამა წელსაც განხორციელდება.
საწარმო, რომელიც ფერმერისგან შეისყიდის 100 ტონამდე „რქაწითელის" ან „კახური მწვანეს" ჯიშის ყურძენს და 1 კგ ყურძენში მევენახეს გადაუხდის არანაკლებ 90 თეთრს, მიიღებს სუბსიდიას 35 თეთრის ოდენობით.
სუბსიდირების პროგრამის მხარდაჭერით მოსავლის რეალიზაციას 25 ათასამდე მევენახე-ფერმერი შეძლებს. წელს სახელმწიფოს ყურძნის სუბსიდირების პროგრამა დაახლოებით 150 მლნ ლარი დაუჯდება.
2022 წელს ყურძნის მოსავლის საპროგნოზო მაჩვენებელი რეკორდულია და 300 ათას ტონას შეადგენს.
